TRABALLANDO POLA INCLUSIÓN

 Dende o mes de novembro, debido a gran presenza de alumnado con neae que hai no centro, añadiuse unha terceira zona de recreo para favorecer a inclusión de todo o alumnado e así aproveitar ao máximo os espazos do centro. 

Cada día da semana o alumnado tiña unha proposta nun espazo diferente do centro ao cal podería acceder de forma voluntaria.

Durante todo o curso realizouse un seguemento das zonas e das propostas para, no caso de ser necesario, poder facer as modificaciones pertinentes.

Ao longo do curso e coa chegada do bo tempo, algunhas das zonas modificáronse e realizáronse outras propostas como a zona de horto escolar e mini competicións deportivas.

Aquí vos deixamos unha mostra do ben que o pasaron e de todo no que participaron.

traballando pola inclusión

RADIOFRANZA: VISITA DE ÁLVARO ILLOBRE

 

SE QUEREDES ESCOITAR A ENTREVISTA CLICADE NA IMAXE:

DINÁMICA DE CONVIVENCIA

 Dentro do Plan de Convivencia do noso centro levamos a cabo unha actividade moi especial co alumnado de terceiro a sexto de primaria, centrada na importancia do respecto, a empatía e a comunicación positiva entre iguais.

A actividade desenvolveuse na biblioteca, onde comezamos cun pequeno coloquio sentados en círculo, no que reflexionamos sobre a convivencia diaria e os conflitos que ás veces xorden entre compañeiros e compañeiras. A partir desta conversa inicial, propúxoselles unha dinámica moi significativa: a cada alumno e alumna colocóuselle un folio en branco na espalda, no que os demais tiñan que escribir mensaxes positivas, cualidades ou aspectos que valoran desa persoa.(todos tiñan que ter algunha palabra positiva)

Unha vez rematada a actividade, realizamos unha posta en común na que puidemos compartir e comentar todo o positivo que xurdiu. Foi un momento moi emotivo, no que o alumnado tivo conciencia da importancia de expresar o bo que vemos nos demais.

A través desta experiencia, quixemos facerlles ver que, se nos esforzamos máis en dicirnos cousas positivas e en valorar aos demais, probablemente reduciríamos moitos dos conflitos que xorden no día a día. Sen dúbida, foi unha actividade enriquecedora que contribuíu a fortalecer os vínculos e a mellorar a convivencia no centro.

RECOMENDACIÓNS DE NADAL

 Un ano máis publicamos as nosas recomendacións de lectura (e xogo) para este Nadal.

Aínda que cada alumn@ as levou en papel, deixámolas aqupor se queredes compartilas con alguén ou extraviades o papel.

Recordade que un libro sempre é un dos mellores regalos , sexa cal secxa a época do ano ou a ocasión.

Xa sabedes que facemos unha coidada escolla, e recomendamos sabendo a calidade do seleccionado. "Libros tesouro", deses que nunca perden o seu valor e que a súa lectura traerenos sabiduría, paz e felicidade.

Agardamos que a nosa selección tamén sexa do voso agrado

XIMCANA DE INICIO DO PROXECTO ANUAL

 Un ano máis empezamos o curso cunha ximcana de probas por equipos que nos indican o tema a traballar durante este curso escolar.

Aquí vos deixamos información sobre a actividade.

Pasámolo bomba. Todas as probas foron divertidas e moi interesantes e o tema escollido gústanos moito!

Así que seguro que nos agarda un moi bo curso, cheo de experiencias e aprendizaxes!

PIEDRA, PAPEL, TIJERAS

 Unha nova conferencia on-line ofertada por A Fundación, Obra social ABANCA da que disfrutamos o pasado 2 de decembro.

Nesta ocasión Raquel Linares e Rita Antón, psicólogas, falarán sobre casos reais de bulling e as súas consecuencias para a vida.

O título da conferencia "Piedra, papel, tijeras" correspóndese co do libro das que ambas son coautoras xunto con outras 18 persoas que foron víctimas, testemuñas ou autores de acoso escolar.

Cada un escolle se quere ser pedra, papel ou tesoiras nas súas relación cos iguais.

O obxectivo desta actividade é o de concienciar ao alumnado dos graves danos que o bulling pode deixar nas persoas para toda a súa vida así como indicarlles pautas para a prevención e resolución destas situacións.

Ademais da charla se proporcionou unha guía didáctica para traballar cos rapaces e rapazas de 3º, 4º, 5º e 6º.

A EDUCACIÓN CAMBIA A HISTORIA. DE EMIGRANTE A EMPRENDEDOR SOCIAL. UMAR OUSMAN

 Apuntámonos a esta proposta de A Fundación,Obra Social Abanca.

Unha conferencia de Umar Ousman, fundador da ONG NASCO Feeding Minds " creada para los hermanos africanos, negros, que lucha constantemente para dar a conocer la idea de que lo que hay que hacer es alimentar la mente, no las barrigas, tal como hasta ahora se ha implementado en todos los sectores de la ayuda humanitaria"

Nuestra misión es fomentar el acceso a la formación y la información de las personas en Ghana, África. En conclusión, alimentar mentes mediante el fomento de la educación digital cambiando el paradigma de la ayuda humanitaria.

NASCO se dedica a la creación de aulas informáticas en zonas rurales de Ghana, África, para fomentar el acceso a la información y a la formación mediante la educación digital. De esta manera, combatimos los problemas de la inmigración en el país de origen, creando oportunidades de desarrollo, para que ninguna persona tenga que atravesar por el infierno de la inmigración. 

Foi unha conferencia moi emocionante. Escoitarlle contar a súa historia de inmigración, na que empregou 4 anos, dende Ghana, o seu pañís de orixe ata España atravesando a pé o deserto do Sahara, cruzou o Mediterráneo en patera, viu morrer a amigos que o acompañaban e todo isto sen ser aínda maior de idade.

A súa historia de superación, pois sacou o bacharelato, estudiou 2 cursos de Grado de Química que tivo que abandoar porque non podía realizar as prácticas e traballar como mecánico de bicicletas ao mesmo tempo. Entón optou por estudar Relaciones Públicas e Márketing, acabou a carreira e curso un máster en ESADE en Dirección , gestión e Organización de ONGs.

Un home que sen dúbida non deixou a ninguén indiferente. Unha lección de vida.

Despois da conferencia tivo un tempo para responder ás preguntas do alumnado que estaba ao outro lado das pantallas. No noso cole estabamos co alumnado de 3º, 4º, 5º e 6º.

CLUB DE LECTURA EN 5º

 Neste curso 2020-2021 todo o alumnado de 5º organizouse nun club de lectura. 

Os títulos escollidos para este curso foron:

"Lúa en ningures" de Beatriz Maceda Editorial Xerais

Conta a historia de Lúa e a súa familia instalados nun campo de refuxiados 

escapando do horror da guerra.

"Xelís, o guieiro das estrelas de mar" de Rosa Aneiros da Editorial Xerais

As aventuras de Xelís para salvar os océanos e limpalos dos plásticos que os

 emporcan e poñen en risco o planeta.

Unha vez á semana tiña lugar a reunión do clube de lectura. Todas e todos ían lendo na casa e/ou no cole ata a páxina proposta para a reunión. Nela intercambiaban opinións, reflexionaban sobre os temas tratados na historia, expoñían experiencias persoais semellantes ás que lían, expresaban os sentimentos que a lectura lles provocaba.... Momentos necesarios de reflexión colectiva arredon dun libro e da súa lectura.

Moi boa experiencia que non só motivou na lectura ao alumnado máis reticente senón que tamén fortaleceu os vínculos do grupo toda vez que se expresan, escoitan e respectan as opinións dos demais.

DIFERENTES. GUÍA ILUSTRADA SOBRE LA DIVERSIDAD Y LA DISCAPACIDAD

 Atopamos esta guía na rede e pareceunos un material xenial para traballar co alumnado máis pequeno estes conceptos de xeito sinxelo e así educar na inclusión. A través de pequenos contos coñecemos a varios protagonistas con algún tipo de discapacidade, protagonistas reais pero imaxinarios (como di a presentación da guía). REais porque están no mundo que nos rodea e imaxinarios porque queren representar a millóns de persoas en todo o mundo que teñen discapacidade.

O texto é de Angels Ponce, terapeuta Familiar especializada en acompañar a familias con fillos/as con discapacidade que conta con máis de 30 años de experiencia, e ilustrada por Miguel Gallardo dibuxante de cómic e ilustrador ademais de autor do libro "María y yo" que temos na biblioteca. Aínda que  el di que é máis TRADUJANTE que dibuxante pois se limita a traducir en imaxes o que outros pensan con palabras.

Copiamos e pegamos este fragmento da súa presentación na súa páxina web (á que podedes acceder se clicades no seu nome) porque parécenos moi significativo:

"En 2007 publiqué María y yo, una novela gráfica que narra las aventuras y viajes con mi hija María, de 13 años, que tiene autismo. Por ella recibí el Premi Nacional Catalunya de Còmic. Este libro, traducido a ocho idiomas, supone un paso adelante en mi carrera y el afianciamiento de mi compromiso con este trastorno y la difusión de sus características. En el 2009 se hace un documental sobre el libro con el mismo título: María y yo, finalista en los premios Goya. Descubro que con la edad, cada vez me gusta más pensar en el mundo.

Desde el 2010 me dedico, además, a dar charlas y talleres por todo el mundo partiendo de mis experiencias de comunicación con María.

En el 2015 se publicó Maria cumple 20 años. María, mi hija, me ha enseñado la simpleza de una línea y todo lo que es capaz de expresar."

No cole imprimimos esta guía para achegarlla ás nenas e nenos do cole. Pero tamén queríamos deixala aquí por se vos apetece tela na casa.

AS VOSAS MARIONETAS

Aquí tedes o resultado da proposta plástica con material de refugallo que fixemos durante o confinamento.
Non están todas as que son, pero sí son todas a sque están.

PARABÉNS POLO VOSO TRABALLO. SODES MAGNÍFIC@S!!!!

A PULPI ENCANTOULLE!! TAMÉN SAE EL POR AÍ!!

E ÁS PROFES TAMÉN!!!

SIMPLEMENTE XENIAL!!!

PLAN DIRECTOR PARA A CONVIVENCIA E A MELLORA NA SEGURIDADE DOS CENTROS EDUCATIVOS NOS SEUS CONTORNOS

Un ano máis participamos neste Plan Director que se  oferta dende a Consellería de Educación.



O Plan, impulsado desde Delegación do Goberno en Galicia e a Alta Inspección de Educación, ofrece aos centros docentes a posibilidade de solicitar charlas informativas/formativas sobre temáticas como: acoso escolar, drogas e alcol, violencia de xénero, novas tecnoloxías, bandas xuvenís, etc.; charlas impartidas por persoas expertas das Forzas e Corpos de Seguridade do Estado e dirixidas ao conxunto da comunidade educativa (alumnado, profesorado, familias).
Extraído da Web da Consellería

Das tres charlas que tiñamos preparadas para os cursos de 5º e 6º de E. Primaria só deu tempo a dúas debido ao confinamento polo COVID-19.

• Na primeira tratouse a prevención no uso das novas tecnoloxías e as redes sociais.
• Na segunda o tema tratado foi o do Acoso Escolar.
• A terceira (e non celebrada) trataría sobre a Violencia de Xénero.

OBRADOIRO AFECTIVO-SEXUAL

A petición do cole ao Concello, impartiuse un Obradoiro Afectivo-Sexual dirixido ao alumnado de 3º, 4º, 5º e 6º de Primaria, toda vez que constatamos que algúns escolares acceden, a través de Internet e redes sociais, a información errónea que logo comparten na escola con compañeiras e compañeiros.
Polo tanto, pareceunos indispensable que esta alumnado recibise unha formación adecuada que lle axude a ser crític@s coa "desinformación" que lles pode chegar.

Realizouse o obradoiro en 4 sesións diferentes, os tres primeiros (24 de xaneiro, 7 e 14 de febreiro) para os cursos 3º,4º,5º,e 6º, e unha última sesión para 5º e 6º o día 28 de febreiro.

Ao longo dos obradoiros reflexionouse cos nenos e nenas sobre as súas actitudes e coñecementos acerca da sexualidade e tamén traballouse a través de diferentes dinámicas e actividades a parte máis emocional e afectiva, tendo en conta tamén os coñecementos teóricos e prácticos que xa posuían.
Centráronse nos aspectos afectivos e de relación dende unha perspectiva de e tendo en conta a diversidade persoal, familiar e sexual.
Tamén se repasaron os aspectos fisiolóxicos, aclarando as dúbidas e curiosidades que mostraron durante as sesións.
A metodoloxía utilizada nas sesións foi participativa e activa, baseándose na “aprendizaxe significativa”, é dicir, partindo dos seus coñecementos previos, favorecendo a súa reflexión e posibilitando a transformación dos mesmos.

Agardamos ter conseguidos os nosos propósitos.

HORA DO CONTO NO DÍA DOS NAMORADOS

Para a "Hora do conto" desta data tan sinalada escollimos o título "Yo voy conmigo" de Raquel Díaz Reguera de Ediciones Thule.

A portada resulta do máis atractiva, non?

Xa na contraportada temos clara a mensaxe. 

Unha ollada ao seu interior aínda esperta máis a osa curiosidade e a certeza de que estamos ante un deses libros imprescindibles para tod@s.

" Me gusta Martín"

" Me gusta Martín"

" Me gusta Martín"

Pero Martín no la mira. ¿ a lo mejor no le gustan sus lazos? ¿ serán sus gafas? ¿ será que habla demasiado ¿ o será esa sonrisa suya tan infantil?. 

Intentando gustarle a Martín, ella cambia y cambia,  y los pájaros de su cabeza dejan de anidar en esta. Intentando gustar a Martín deja de gustarse a sí misma.

"Texto extraído da web da autora"

E por iso o escollimos. Porque aínda que a protagonista é unha nena a mensaxe é válida para tod@s. Tanto para aceptarse e quererse a sí mesm@s como para aceptar e valorar aos demais tal e como son.

A lectura, que realizamos en galego aínda que non hai edición no noso idioma, correu a cargo da profe Bego. Dada a grande información que neste caso as imaxes aportan á narración, proxectáronse as imaxes das páxinas na pantalla e así puidemos disfrutar por completo desta xoia.

Se queredes volver a disfritara desta historia (desta vez en castelán) clicade na imaxe :

CINENSINO 2019-2020

Un ano máis participamos no programa Cinensino, programa de educación en valores para a prevención do consumo de alcohol e outros transtornos adictivos e comportamentais no eido escolar a través dos medios audiovisuais e as tic.

Debido á pandemia tan só tivemos unha única sesión na que o alumnado de 4º, 5º e 6º de E. Primaria visionaron a película "Mís y el león blanco" e traballaron posteriormente na proposta didáctica que o programa facilita.

As pelis que quedaron pendentes de traballar, de acordo co programado por Cenensino foron;

PICASSO PINTOU PARA A PAZ

En 6º, na área de plástica coa profe Vanesa, nenas e nenos traballaron cunha obra de Picasso.
Desta vez non foi "O Guernica" nin a súa inmortal "Pomba da Paz".
Escolleron unha obra moi distinta e xogaron e crearon con ela.

Catro caras de diferentes razas únense ao redor dunha pomba da paz. O xogo de cores sólidas e rotundas incrementan a mensaxe da obra.
Para saber máis desta obra teredes que ver o vídeo que montamos con imaxes do seu traballo.

Agardamos que vos guste.

EL MURO. LECTURAS PARA A PAZ II

A segunda edición da "Hora do conto" polo Día da Paz 2020 foi para todo o alumnado.

Nesta ocasión escollimos "El muro"  de Giancarlo Macri, Librería Universitaria Ediciones (LU).

O monarca do Reino dos Azuis  fai construir un muro que afaste a tod@s @s que non sexan azuis, pero para mellorar o seu reino e que haxa xardíns, fontes, monumentos, paseos... precisa do traballo dos das outras cores así que ordena traelos. Ao final no Reino dos Azuis están todas as cores outra vez, pero na metade de espacio. Manda entón derrubar o muro dicindo que só a un idiota se lle ocurriría contruílo e amosándose feliz de vivir nun reino cheo de cores.

As ilustracións moi sinxelas pero moi gráficas, a orixinalidade de que no medio do libro apareza un muro de verdade e o descubrimento de que hai un personaxe verde, semellante a un extraterrestre, fai que a lectura desta historia (con pouco texto e en formato cómic) sexa divertida e sorprendente pola súa orixinalidade.

Rematada a lectura volvimos proxectar todas as imaxes para buscar ese "homiño" verde do que falabamos.

A mensaxe final e global do libro é : "A diversidade enriquece. Compárteo!" , pero nós extraímos moitas máis mensaxes:

• O autoritarismo absurdo do Rei que "cae" na súa propia trampa.
• A estúpida idea dunha  superioridade dunhas razas sobre outras.
• Que este rei non foi o único que pensou en construir muros e que aínda hoxe hai dirixentes que así o pretenden.

Foron as conclusións que sacamos entre tod@s desta marabillosa lectura.

LA ISLA. LECTURAS PARA A PAZ I

Edición especial da "Hora do conto" con motivo do Día da Paz 2020.

Celebrámolo durante dous días seguidos.
Nun primeiro día a lectura foi dirixida ao alumnado dende 3º a 6º de Primaria porque o texto escollido pensamos non era o idóneo para os máis pequenos.

O texto escollido foi "La isla" de Armin Greder editado por Lóguez Ediciones.

Este álbum ilustrado fainos ver cómo pode crecer nun grupo humano o rechazo a un extraño, de como pode nacer e medrar o odio e a violencia, de como o medo e a manipulación a través del esperta a brutalidade por enriba de máximas tan extendidas como "tod@s somos iguais e temos os mesmos dereitos". E denuncia tanto a brutalidade, odio e violencia dalgúns como a pasividade de outros antes estes feitos.
Unha historia que por desgracia segue a estar de rabiosa actualidade e que nos fai pensar e reflexionar e sobre todo axuda a decidir quen e como queremos ser.

                             

As imaxes do álbum apoian e incrementan o dramatismo do texto co seu realismo, trazo, sombras e colorido e mesmo aportan historias que non están no texto, como esa imaxe onde os nenos da illa xogan repetindo esceas que viron nos maiores, aprendendo conductas de humillación e odio e incorporándoas de xeito natural nas súas vidas. Probablemente unha das imaxes "máis duras" do álbum. Polo menos para mín.

Atopamos o vídeo coas ilustracións en Youtube e gravamos a lectura en galego engadíndolle a música de Carmina Burana "O fortuna" que pensamos lle acaía perfecta.

O alumnado, máis acostumado a historias con final feliz, quedou un tanto desconcertado (e iso que xa avisamos ao empezo que era unha historia "dura"pero "imprescindible") pero iso deu moito pé a reflexionar sobre a historia e, como anteriormente indiquei, a decidir quen e como quero ser.

Foi unha moi boa elección.

Clica na imaxe para acceder ao vídeo

TI ES....

Fixemos un mural colectivo polo Día da Paz 2020.
Unha bolboreta por alumn@ na que escribir cualidades positivas doutr@ compañeir@. Recortar, decorar e pegar no mural da entrada.
Este foi o resultado. PRECIOSO!!!
GRAZAS A TOD@S!!

POR UNHA BIBLIOTECA INCLUSIVA

Dende a Consellería de Educación, e grazas ao traballo e esforzo da Asesoría de Bibliotecas Escolares, chegounos unha dotación económica especial para facer a nosa biblioteca aínda máis inclusiva do que xa é.
Trátase de que a biblioteca poida ser un "centro creativo de aprendizaxes e un espazo ao servizo da comunidade educativa onde teñen cabida todas e todos cada un cos seus ritmos, intereses e necesidades.

Aquí vos presentamos moito do material no que invertimos a dotación económica.
Agardamos que vos guste e vos ilusione tanto como a nós.

OBRADOIRO DE HABILIDAES SOCIAIS

Ofertado polo Concello, segundo o convenio de colaboración que mantén coa asociación ASFEDRO,  o alumnado de 5º e 6º disfrutou dun obradoiro no que especialistas do tema, cunha metodoloxía activa e participativa, promoven conductas sociais colaborativas e de asertividade, dando así ferramentas que poden previr conductas de risco no que a adiccións diversas se refire.

                                             Imagen de Gerd Altmann en Pixabay