HORA DO CONTO NO DÍA DA MULLER 2020

O luns día 9 reunímonos tod@s na biblio na Hora do Conto para disfrutar coa lectura do conto "Daniel pirata",

A divertida historia dunha nena que quere ser pirata á que lle poñen probas moi difíciles para conseguilo e ten que vencer o machismo do capitán do "Caimán Negro".

Unha historia para todos os públicos, escollida pola súa sinxeleza e a súa mensaxe clara e concisa.

"Ante igualdade de condicións o feito de ser muller non debe contar"

SOBRAN CAPITÁNS MACHISTAS!!!!

GALEGA TIÑA QUE SER

Dende o Equipo de Normalización Lingüística propúxose esta actividade sobre mulleres galegas salientables.

As escaleiras e o corredor do primeiro piso enchéronse decarteis con fotos de mulleres galegas cos seus nomes.
Repartíronse por cursos a búsqueda de información sobre elas e colocar as reseñas de cada unha delas no seu cartel.

Había unha chea de carteis, e non están todas as que son pero sí son todas as que están.

Imaxe do Faceboock "Nós os galegos"

CONSTRUÍNDO OS NOSOS PROPIOS PANEIS PARA OS ESCORNABOTS

Como actividade polo Día da Muller Traballadora en 5º emprenderon o desafío de elaborar un panel para os escornabots con esta temática.
Escolleron tres escritoras galegas que foron homenaxeadas polo Día das Letras Galegas, títulos das súas obras e ano no que foron homenaxeadas e construíron este panel que logo propuxeron a outros alumnos e alumnas.
Tanto o alumnado que elaborou o panel como o que o resolveu tivo que buscar a información precisa para ser quen de realizar axeitadamente a súa tarefa.
Foi unha actividade divertida e moi motivadora.

RESULTADOS DA ENQUISA SOBRE TAREFAS DA CASA

Como sabedes, con motivo do Día da Muller Traballadora realizamos unha enquisa a cubrir por todo o alumnado sobre quen realiza as tarefas máis comúns da casa.

Salientar que as NAIS obteñen a máis alta porcentaxe en TOOOODAAAS as tarefas sinaladas aínda se "descontamos" as que non traballan fóra da casa. Tamén sinalar que segundo a resposta dos nenos e nenas éstes implícanse na realización de certas tarefas (facer a cama, barrer, lavar a louza...). Tamén notamos un certo incremento na porcentaxe de pais que fan nestes traballos en relación á mesma enquisa que pasamos hai xa catro anos, cando menos en determinadas tarefas.
Ademais observamos que temos unha maior porcentaxe de nais que non traballan fóra da casa en comparación coa porcentaxe de hai catro anos..

Estes resultados colocáronse na entrada do cole, para que desta forma puideran ser consultados por todo o alumnado ademias de permitir traballar ao profesorado coa interpretación de gráficas. É por iso que o formato escollido para representar as difeentes porcentaxes cambia dunhas tarefas a outras (diagrama de barras, sectores...).

Aquí tedes os resultados.

"UNHA ENTREVISTA DE TRABALLO"

Con motivo do Día da Muller Traballadora o alumnado de 5º, dirixido pola súa profe Malena, preparou esta pequena obra de teatro.
O texto orixinal apareceu no ano 1975 no periódico Le Monde, e foi modificado e adaptado un sinfín de veces.
Para esta ocasión traduciuse ao galego e adaptouse para ser representado na biblioteca.
Así de ben o fixeron.

GRAZAS CHIC@S!!!!!





A charla posterior á representación foi moi interesante e sobre todo moi clarificadora.
A igualdade real aínda non chegou ao noso mundo.
Só esperamos ter contribuído a que cada veza está máis preto de nós e das vindeiras xeracións.

MARGARIDA CORRAL: CHARLA DIDÁCTICA SOBRE O DÍA DA MULLER TRABALLADORA

O martes día 14 de marzo tivemos o pracer de contar no cole con Margarida Corral.

Clica na imaxe para acceder a páxina de Margarida na Wikipedia

Pedímoslle esta charla porque Margarida é Socióloga e especializada no tema da Igualdade e con diversas publicacións sobre o tema.
Aceptou a nosa oferta chegou ao centro cargadiña de tesouros: libros e contos que educan na igualdade, unhas gafas especiais para ver as cousas de cor lila, pelotas para dar turno de palabra ou escoller voluntarios e voluntarias que lle axudasen na súa exposición, e un grande mural, elaborado por ela, que recolle unha síntese de todo o que nos falou e explicou.

Foi todo un luxo contar con ela, co seu ben facer, coa súa claridade na charla, na que soubo chegar a tod@s independientemente da idade, (e nós como docentes sabemos que iso non é doado), e deixounos un doce sabor de boca e unha débeda con ela que non sei se poderemos pagarlle.

Por suposto firmounos no libro de visitas, onde quedará rexistrado (ademais de neste blog) o seu paso pola nosa biblioteca do Centro.

E como unha imaxe vale máis que mil palabras aquí vos deixo as imaxes deste día, que por si soas corroboran o que acabades de ler.

MOITAS GRAZAS!!!!!!

MARGARIDA CORRAL E A NULLER TRABALLADORA by Slidely Slideshow

CADEA HUMANA NO DÍA DA MULLER TRABALLADORA

Este ano o Concello de Mugardos organizou unha cadea humana con todos os nenos e nenas dos Centros educativos do concello.
E nós participamos desta iniciativa.
Fomos ata Mugardos nun autobús e cunha gafas especiais para a ocasión. Colocámonos no lugar que se nos sinalou e dende o que observábamos o longa que era a cadea que formamos.
Un dron se encargou de filmarnos a todos e todas.
Aquí tedes unhas fotos do momento e máis abaixo o vídeo editado.

Cadea humana Mugardos (Día Internacional da Muller) from Vagalume Audiovisual on Vimeo.

Video da cadea humana levada a cabo en Mugardos con motivo do Día Internacional da Muller, organizada polo Concello de Mugardos.

Video realizado por Vagalume Audiovisual.

DÍA DA MULLER TRABALLADORA 2016

Nesta data tivemos unha sesión especial de "A Hora do Conto".
Coma de costume reunímonos todas e todos na biblioteca, proxectamos as imaxes do conto na pantalla e a profe Carmen leu este conto escollido especialmente para a ocasión:
CENICIENTO, de Yanitzia Canetti e ilustrado por Teresa Herrero Rived, da Editorial Everest da colección "Había otra vez..."conto rimado, como todos os da colección que nos gustou moito e que reivindica unha verdadeira igualdade entre mulleres e homes.

SINOPSE
(A partir do conto orixinal "La Cenicienta") Había unha vez un mozo ao que todo o mundo chamaba Ceniciento porque sempre estaba sucio e polvorento. Pero é que limpaba chimeneas, cociñaba, lavaba a roupa, barría, fregaba toda a louza, cosía, pasaba o ferro á roupa, sabía de pintura , arreglaba tuberías e sacaba o lixo, pero, ademais, axudaba á xente…

DÍA DA MULLER TRABALLADORA 2016

Este ano con motivo do Día da Muller o alumnado de 6º preparou un teatrillo do conto "Arturo y Clementina".
Elaboraron os títeres de pau e prepararon o Teatriño de guiñol do cole para a ocasión e narraron este conto aos compañeiros e compañeiras do cole.
MOITAS GRAZAS!!!!

DÍA DA MULLER TRABALLADORA

Un ano máis, este 8 de marzo quixemos homenaxear ás mulleres traballadoras e seguir a denunciar as desigualdades que aínda están vixentes.
Foi a través do teatro, do cómic e da elaboración de carteis e debuxos como o celebramos.
Carla e Eli, de 6º de Primaria (xunto co apoio de todos os seus compañeir@s e do esforzo da súa profe Begoña) prepararon esta pequena representación teatral, que fixo as ledicias de tod@s.





O cartel que conmemoraba o día foi unha historieta de "Vida de nai" , cómic de Gemma Sesar, Ramón Marcos e Jorge Castelli, editado en El Patito Editorial, do que temos un exemplar na bilioteca.
 Clicando na imaxe accederedes á  reseña que deste cómic fixeron no blog "Trafegando Ronseis", blogue de referencia de moitas bibliotecas escolares de Galicia (e doutras partes do mundo).

http://trafegandoronseis.blogspot.com.es/2013/10/vida-de-nai.html

Estes son os carteis que en 6º elaboraron.

MULLERES EN VALOR

O alumnado de 1º da ESO do IES. Xoan Montes elaborou este proxecto documental, referido a aquelas mulleres que aparecían nos billetes de países europeos nos último corenta anos antes da entrada na UE.

Chamoulles a atención que houbera tan poucas mulleres en comparación coa cantidade de homes, que moitas sexan raíñas, ou esposas de..., obreiras exemplares,... . E moi poucas polo seu papel destacado nas artes ou nas ciencias.

Fixeron un traballo estupendo, e dende aquí queremos felicitalos.

Mulleres con valor

Publish at Calameo or read more publications.

Ademáis editaron un xogo para comprobar se recordas os nomes e as imaxes dos billetes.
Animádevos a xogar!!

(Clicade na palabra xogo)

CONTOS PARA O DÍA DA MULLER

¿Hay algo más aburrido que ser una princesa rosa?

Publish at Calameo or read more publications.

8 DE MARZO. DÍA DA MULLER TRABALLADORA

O 8 de marzo foi o  Día da Muller Traballadora (é dicir, de todas as mulleres).
E se alguén pensa que celebrar este día é innecesario invitámoslle a ler o seguinte informe, que fala da situación actual en España, (imaxinade o que pode ser noutros países).

MULLERES INVENTORAS

Aquí vos deixamos esta presentación feita por D. Carlos Torralba, profesor do IES. Dionisio Aguado, e que nos pareceu moi interesante.

Mujeres Inventoras from José María

E se queredes atopar máis mulleres inventoras clicade na imaxe:

QUEN FAI QUE NA MIÑA CASA?

Aquí tedes o resultado da enquisa que con motivo do Día da Muller Traballadora contestaron os nenos e nenas do cole.

Os datos recollidos non son totalmente fiables xa que en moitas ocasións  ao comparar os datos de irmáns non coincidían. Pero aínda así son orientativos sobre a realidade do reparto de tarefas nos fogares.

Que cada un extraia as súas propias conclusións e vaia dende aquí a nosa máis sentida HOMENAXE A TODAS AS NAIS que sen lugar a dúbida son MULLERES MOI, MOI, TRABALLADORAS.

Open publication - Free publishing

DÍA DA MULLER TRABALLADORA

Nesta data tan sinalada pasamos unha enquisa a todo o alumnado a fin de recoller información sobre o reparto das tarefas do fogar nas diferentes familias.

A idea é tratar posteriormente os datos recollidos e expoñelos por medio de tablas ou gráficos.

De momento aquí vos deixamos un modelo da enquisa.

En 1º de Primaria fixeron un interesante traballo sobre o tema que podedes ver no seu blog.(Clica na imaxe)

DÍA DA MULLER TRABALLADORA. 8 DE MARZO

Nesta data sinalada un grupo de alumnos e alumnas do 2º Ciclo coa colaboración de dous profesores e do Equipo de Normalización Lingüística realizaron unha magnífica montaxe teatral para todos na biblioteca.
Contaban coa axuda inestimable dun narrador que leía a histora "A casa dos Porcos" mentres se representaba na escea. Tamén contaban coa colaboración entusiasta do conserxe como técnico de son.
Como podedes ver no vídeo non lles faltou de nada.
Todo o público disfrutou moito, valorou o feito de que as tarefas da casa sempre recaian nas mulleres como unha inxusticia e apreciou a necesidade  de compartilas.