Despois de tanto tempo sen facer saídas puidemos asistir co alumnado de 1º, 2º, 3º e 4º ao Pazo da Cultura de Narón para asistir á representación da obra "Pinochio" a cargo da compañía "Teatro Ghazafelhos " grazas á 37º Mostra de Teatro Infantil que programa o Padroado da Cultura do Concello de Narón.
Había moito tempo que non saiamos de "excursión" e xa só o feito de ter que ir no autobús ata Narón foi unha festa.
Chegar ao Pazo da Cultura e entrar nas súas instalación xa impresionou a moit@s. ademais, coma por mor da pandemia asistiamos moi poucos espectadores tivemos a sorte de poder ver a representación dende as primiriñas filas do patio de butacas.
A compañía Teatro dos Ghazafelhos é unha das nosas compañías teatrais preferidas e unha vez máis non nos decepcionaron. A posta en escea, o mobiliario versátil que con sinxelos movementos se transformaba segundo as necesidades do relato e o bo facer do seu elenco de artistas fixo as ledicias de tod@s.
Imaxes do edificio
