DÍA DOS DEREITOS DAS NENAS E DOS NENOS

Na páxina web de UNICEF ( significa Fondo das Nacións Unidas para a Infancia, en Inglés United Nations Children's Fund) sinalan o seguinte:

"O 20 de novembro é un día de celebración polos avances conseguidos, pero sobre todo é un día para chamar a atención sobre a situación dos nenos e nenas máis desfavorecid@s, dar a coñecer os dereitos da infancia e concienciar ás persoas da importancia de traballar día a día polo seu benestar e desenvolvemento."

Celébrase este día porque foi precisamente un 20 de novembro cando(tras anos de negociacións) logrouse acadar o texto final da Convención sobre os Dereitos do neno, de obrigado cumprimento para os países que firmaron.

Esta Convención converteuse en lei no ano 1990 despois de que 20 países a firmaran (España entre eles). Hoxe en día a Convención foi aceptada por todos os países do mundo agás Estados Unidos.

Todos estos temas foron tratados nas diferentes aulas do centro e ademais elaboramos un cartel recollendo os 10 Dereitos Fundamentais das nenas e nenos do mundo.

Aquí tedes o resultado!

Son as mans do alumnado as que sinalan o número do dereito que en cada foto se explica.

O cadro preside a subida das escaleiras do cole e é unha marabillosa mostra artística reivindicativa.

Agardamos que chegue un día no que a non aplicación destes dereitos non teña que ser nunca máis denunciada!