martes

BIBLIOTECA CREATIVA CURSO 2019-2020







Xa sabedes que a nosa é unha Biblioteca Creativa.
O curso pasado entramos a formar parte deste programa que pretende apoiar a cultura da experimentación e da investigación, da robótica e da linguaxe de programación nas bibliotecas dos centros públicos que matriculan alumnado de infantil e primaria e que están integrados no Plan de mellora de bibliotecas escolares.
No curso pasado recibimos materiais e formación para a construcción de 4 Escornabots para a biblioteca escolar. E para traballar con eles elaboramos diferntes materiais e levámolos polas aulas para que a información do seu manexo chegara a todo o alumnado.

Nesta ocasión, ao ser o segundo curso dentro do programa, recibimos dotación económica para a compra dunha impresora 3D así como formación básica para poder crear os noso propios deseños.

A responsable da Bilioteca acudiu a unha xornada de formación celebrada o pasado 25 de outubro na EGAP  (Escola Galega de Administración Pública) en Santiago da que veu cargada de ideas e ilusións.





Aquí tedes unha presentación de fotos da xornada






luns

LIMPANDO A HORTA

Así foi como entre todos, axudándonos uns aos outros e colaborando conseguimos limpar ben a nosa horta para poder empezar a plantar.


domingo

BIBLIOTECA ESCOLAR, VIVEIRO DE CIDADANÍA

Con este lema iniciamos un novo curso nas bibliotecas escolares de Galicia integradas no PLAMBE (Plan de Mellora de Bibliotecas Escolares).
Acompaña sempre ao lema do ano un cartel representativo creado por un/unha ilustrador/ilustradora salientable.
O deste curso é obra de Óscar Villán (ilustrador) e reflicte moi ben cal é a concepción dunha biblioteca escolar do século XXI. Fixádevos ben en cada unha das esceas do cartel e veredes moitas situacións que a cotío se dan na nosa biblio.


Se premedes na imaxe accederedes á entrada do blog da Asesoría de Bibliotecas onde se poden ler frases tan fermosas coma esta:


Cómpre sementar, crear ese hábitat axeitado para que os pequenos e as pequenas, os mozos e mozas vaian desenvolvendo a estima por si mesmos e polos recursos naturais e culturais á súa disposición, aprendan a convivir cos outros, adquiran paulatinamente os valores democráticos, o respecto polos Dereitos Humanos e a Cultura de Paz imprescindible para unha convivencia xusta, pacífica e enriquecedora para todos e todas. 

sábado

XXXV MOSTRA DE TEATRO INFANTIL E XUVENIL DE NARÓN. 1º, 2º, 3º E 4º

Esta vez tocoulles ás nenas e nenos de 1º, 2º, 3º e 4º de E. Primaria de disfrutar do teatro nesta edición da Mostra.
Asistiron á representación da obra "Patapatum" da compañía "Elegante elefante".

De que vai?
Pois lede isto extraído da páxina da compañía.



"SORPRESA! ¡Y una más! ¡Y muchas más! ¡Una montaña de regalos! 
Grandes, pequeños, pesados, ligeros, azules, verdes, naranjas, cuadrados y redondos. Regalos de todas formas y tamaños, siempre divertidos y asombrosos.
El niño, emocionado, no tiene manos para abrir tanto juguete. Los adultos, obligados por la espiral del tiempo, los compromisos y las obligaciones, no son capaces de encontrar un momento en su apretada agenda para compartir la fantasía con los más pequeños."



E tamén podedes ver o vídeo promocional da obra.





Un luxo poder disfrutar deste tipo de espectáculos dun xeito económicamente asequible.

mércores

COMO REMATA A GALIÑA AZUL?

A galiña azul de Lorenzo é condenada polas autoridades porque nin "fala" nin é da mesma cor cás demais, pero o pobo non está disposto a que o algalde se saia coa súa e apoia ao seu veciño e á galiña.
@s nen@s de 6º, na área de "Valores sociais e cívicos" escoitaron o conto de CArlos Casares mentres vían as ilustracións en Kamishibai.
Despois idearon distintos finais para esta historia inconclusa.

Cal escolledes vós?


luns

LIMPEZA DA HORTA ESCOLAR

Na porta da biblio, xunto a Pulpi, apareceu este cartel:





As nenas e nenos de 6º encargáronse da súa elaboración. Por fin empezaremos os traballos na horta. Estamos superconten@s. Como Pulpi:







I FESTIVAL ESCOLAR SOBRE O CAMIÑO INGLÉS E O XACOBEO 2021

O 18 de outubro todo o alumnado do cole participou neste I Festival Escolar sobre o camiño inglés e o Xacobeo 2021 organizado pola Federación de Anpas de Ferrolterra Concepción Arenal.

 En lancha dende Mugardos ao Porto de Ferrol e actividades varias nas instalacións habilitadas así como un percorrido a pe polo Camiño Inglés.


domingo

DÁNDOLLE Á LINGUA NA HORTA

A frase que construímos na proba final do primeiro día de curso, cando atopamos a Pulpi e o seu agasallo (unha horta escolar) é o lema de moitos dos traballos que faremos este curso.

Porque con este lema xuntamos tres dos pilares básicos cos que queremos traballar e propoñer actividades:

  • A HORTA ESCOLAR
  • A LINGUA GALEGA
  • A BIBLIOTECA ESCOLAR
Así que a entrada do cole está preparada para ser en certa maneira o escaparate de moitas actividades.

  • Unha exposición permanente dos fondos da biblioteca relacionados co tema e onde figurarán tamén outros que vaiamos adquirindo.

  • Un taboleiro enorme que ira variando co tempo onde aportaremos diferentes imaxes, propostas, ... Como un diario en forma de taboleiro.

O primeiro en aparecer no taboleiro doi este traballo de investigación que as rapazas e rapaces de3º e de  4º fixeron pola contorna coas súas titoras.


Leer más publicaciones en Calaméo

E así apareceu no taboleiro da entrada xunto coa exposición dos fondos da biblioteca:









Irémosvos informando dos cambios!!!!

sábado

XXXV MOSTRA DE TEATRO INFANTIL E XUVENIL DE NARÓN. 5º E 6º

O pasado día 16  o alumnado de 5º e 6º disfrutou da obra  "Lázaro de Tormes" da compañía Pedra de Cartón na XXXV Mostra de Teatro Infantil e Xuvenil que organiza o Concello de Narón.

Nela contan a historia clásica de Lazarillo de Tormes sen utilizar a voz e levando máscaras.
Podedes ver aquí un "Trailer" da obra.





Unha marabillosa obra e unha marabillosa experiencia para o noso alumnado.
Vivir o Teatro, sentilo e disfrutalo.

venres

LECTURA DO DÍA DA BIBLIOTECA 2019

Agora que xa abriu a biblio e que aínda estamos a facer melloras de mobiliario e de equipamento, celebramos este día coa lectura dun conto moi especial.

"Murciélagos en la biblioteca", da Editorial Juventud, unha historia divertida duns morcegos adictos á lectura, que acoden á biblioteca cando o bibliotecario se deixa unha ventá aberta, entón eles poden ler ata o mencer. Un fermoso conto, unhas fermosas ilustracións e ademais en verso!!

O seu autor, Brian Leis, proponnos unhas ilustracións divertidísimas que contan unha historia en sí mesmas, por iso nesta lectura proxectamos as imaxes na pantalla, para disfrutar mellor desta lectura.

Mira algunhas das ilustracións!!
Xeniais, non si?









E así de atentos estabamos tod@s durante a lectura:










xoves

DÍA DA BIBLIOTECA 2019

O 24 de outubro celébrase un ano máis o Día da Biblioteca que se vén celebrando dende 1997 por iniciativa da Asociación de Amigos del Libro Infantil y Juvenil.




O cartel deste ano é do ilustrador Miguel Calatayud, e o pregón é da escritora Gemma Pasqual.




E aquí deixamos o fermoso pregón de Gemma pasqual:


A SEN CONTO


Non quería ser princesa, non quería ser liberada polo príncipe azul. Tampouco que o bico dun Príncipe a devolvese á vida; nin que a salvase da explotación infantil, non quería esconderse na casa dos sete ananiños e ser a súa criada ata que un príncipe a viñese rescatar. Non era capaz de renunciar á súa voz polo amor dun mozo; nin esperaba que san Xurxo a salvase do dragón. Nobres princesas condenadas a durmir ou ao silencio, por orde dunha madrasta, dun pai ou dunha fada boa.


E puxo os seus zapatos vermellos e fuxiu do seu conto, correu e correu buscando refuxio ata converterse nunha sen conto. Era unha sen libro, unha sen papeis, non a querían en ningures.


Nunha casca de noz navegou polo Mar das Letras, e naufragou. Nadaba contra a corrente, fortes ondas de frases afogábana, e cando se deu por vencida e se abandonou á súa sorte, de súpeto salvouna a capitá Pippi Långstrump, unha nena libre, xenerosa, que nunca se aburría, que se atrevía a cuestionar o razoamento dos adultos. Acompañada por Matilda, navegaban polo mar das letras para rescatar todos aqueles personaxes que se aventuraban a cruzar o mar buscando un conto mellor. Heroínas con forte sentido da xustiza e do deber de protexer os máis débiles.


Finalmente, despois de moitos atrancos, chegaron a porto seguro, o Porto da Biblioteca, o Paraíso do que lle falara Borges: un lugar cheo de tesouros afundidos, como lle dixera Virginia Woolf; unha nave espacial que a levaría aos recunchos máis afastados do universo; unha máquina do tempo que a transportaría ao pasado máis remoto e ao futuro más afastado; unha saída a unha vida mellor, máis feliz e máis útil, como lle explicara Isaac Asimov. Un lugar onde non necesitaba ser princesa para ser a protagonista de todos os contos.


Longa vida ás bibliotecas, refuxio de todas, tamén das sen conto, das sen libro, das sen papeis, das nenas que non queren ser princesas e dos nenos que non queren ser heroes. Longa vida aos bibliotecarios e bibliotecarias, gardiáns do Paraíso, de máquinas do tempo e de grandes tesouros como son os libros.


Tradución: Héctor Cajaraville

________________________________________________________________


Nas Bibliotecas Escolares de Galicia, tamén temos un cartel moi, moi especial, baixo o lema "Biblioteca Escolar: Viveiro de Cidadanía", elaborado por Óscar Vilán.



Moitas destas esceas do cartel son habituais na nosa biblioteca e así queremos que siga a ser. Un lugar de encontro, de comunicación, de aprendizaxe, de intercambio, de respecto polos outros, para compartir, crear, aprender, xogar, descubrir..... Aprender a ser cidadán do século XXI.

Se queres engade tí nos comentarios do blog qué outras cousas fas na nosa biblio!!




COÑECENDO OS APEIROS DE LABRANZA CO ESCORNABOT

Este novo xogo de Escornabot, que estará a vosa disposición na biblioteca, elaborouse para o primer día de cole, como unha das probas que os grupos debían superar para atopar a Pulpi.

Trátase dun taboleiro doble, cunha cara m´çais sinxela (onde están as imaxes dos apeiros cos seus nomes) e a outra cara muda e na que as imaxes foron cambiadas de sitio para que teñades que fixaros ben.

Tamén conta con dous xogos diferentes de tarxetas. Unhas donde só aparece o nome de cada un dos apeiros do taboleiro e outras para niveis expertos onde non aparece o nome pero sí a sua definición e descripción.









Na biblio o atoparedes coas tarxetas gardadas no estoxo que o taboleiro ten pegadiño.



mércores

BENVIDAS E BENVIDOS

A profe Susana, con paciencia e horas de dedicación, fixo estes fermosos paneis onde estamos tod@s (nen@s e profes). Para vernos, para recoñecernos, para disfrutar...
Como teñen rodas, ás veces están na entrada do cole e as veces no corredor da planta de abaixo onde tod@s os vemos cando saímos e entramos do patio.