martes

LECTURAS COMPARTIDAS

 Este curso decidimos que varios cursos compartisen a biblioteca durante a "Hora de ler", que no noso cole é despois do recreo.

Os martes comparten biblioteca de 1º ata 4º de EP. e os venres 1º,2º5º e 6º. Acordamos que neses días organizariamos lecturas compartidas. así o alumno ou alumna que lerá a seguinte semana escolle o título que quere ler e lévao a casa para preparar a súa lectura. Deste xeito garantios lecturas de calidade e con boa transmisión de mensaxes.

Empezarán @s máis grandes pero cando rematen a súa ronda cederanlle o turno  ás nenas e nenos de 1º e 2º.

Aquí tedes un resumo do primeiro trimestre.



sábado

FESTIVAL DE NADAL 2024

 No día das vacacións de Nadal a comunidade educativa do cole disfrutou das actuacións musicais do alumnado do cole.

E. Infantil interpretou unha panxoliña na que foi o propio alumnado quen decidiu que cousas querían levar ao portal de Belén. 

Pensei en cortar o vídeo, xa que o medo escénico e a inexperiencia do alumnado provocou que tivésemos que volver a empezar, pero penso que o vídeo ten moita máis gracia se o vemos enteiro.

Aquí o tedes!




En 1º e 2º interpreataron a panxoliña de Mamá Cabra "A árbore de Nadal" de xeitro teatralizado.



En 3º e 4º unha coñecida panxoliña á que puxemos letra en galego e acompañaron con percusión corporal-



En 5º  e 6º panxoliña con letra en galego sobre a música de Shin Chan.



E para rematar este mágnífico Festival unha coreografía creada polo propio alumnado e ensaiada durante os recreos, lidrerada polas alumnas de 5º e 6º.



Un pracer ter compartido unha vez máis estes momentos máxicos e únicos.

venres

AS PAREDES DO NADAL

 Nas paredes do cole lucían con todo o seu esplendor  mensaxes de Nadal primorosamente escritas colgadas de fermosas estrelas decoradas libremente polo alumnado.

Tamén mensaxes máis elaboradas do alumnado de 3º e 4º baixo o lema "comparte o teu Nadal" e unha sorpresa especial, xa que Papá Noel escolleu o noso cole para lavar a roupa.

O malo foi que como non quixo quitar o gorro, tivemos que bañar a Papá Noel con el posto. E aínda peor foi estendelo xunto coa roupa no noso tendal.



PAPÁ NOEL E CHOCOLATADA DE NADAL

 Un ano máis a ANPA do cole agasallounos cunha chocolatada con churros despois de ter recibido a visita de Papá Noel que tamén xestionou.

Papá Noel recolleu as nosas cartas ademais de falar con todas as nenas e nenos e deunos un pequeno agasallo.  


 


 E na chocolatada e nos momentos de xogo posteriores vivimos momentos moi, moi, moi especiais de amizade e agarimo. A maxia do noso cole, onde ninguén é anónimo. Momentos que Pulpi adora porque sabe que son dos máis importantes da vida. Compartir, coidar, querer...



 

OBRADOIRO DE NADAL GALEGO

 Con materiais diversos e tamén de refugallo, e grazas á profe Mónica, realizamos no cole un obradoiro de adornos de Nadal moi variados,

Participaron todos os cursos elaborando cadanseu adorno e con diferentes técnicas. Pasámolo en grande e sentímonos moi orgullosas e orgullosos do resultado final.

Mirade:


VISITA DO APALPADOR

 Grazas á Asociación Cultural Apelón, contamos coa visita do Apalpador neste Nadal 2023. 

Membros da Asociación o presentaron aos nenos, e explicaron quen era e o que facía antes de que fixera a súa aparición.

O Apalpador falou coas mnenas e nenos do cole e por último agasallounos co seu agasallo tradicional... CASTANAS!!!



xoves

EL FLAUTISTA DE HAMELÍN

 Esta lenda alemana, documentada polos Irmáns Grimm, foi escollida por Gero para recomendárnola.

Os Irmáns Grimm foron eruditos, filólogos, mitólogos, investigadores culturais, lexicógrafos e escritores alemanes que coleccionaron e publicaron xuntos folclore e libros durante o século XIX.  

Ademais deste conto, A Cincenta , O príncipe ra , A pastora de ocas , Hansel e Gretel , Rapunzel, , A bela durminte e Brancaneves  son algúns dos moitos contos de tradición oral que eles popularizaron publicándoos hai xa máis de 200 anos.





YO, JANE

 Laura recoméndanos a lectura deste marabilloso álbum ilustrado que podedes atopar na biblio.

"Yo, Jane" conta a historia dunha nena que imaxina viaxar a África en compañía dun simpático mono para coñecer os animais que vía nos libros. Está editado por Océano Travesía e escrito por Patrick McDonnell.



O máis sorprendente deste libro é que Jane, a nena da nosa historia, é nin máis nin menos que Jane Goodall.

Sabedes quen é? 

Jane Goodall fíxose famosa polo seu estudio (durante 26 anos) dos chimpancés do parque nacional Gombe Stream, nas orillas orientais do lago Tanganica, en Tanzania. En 1960, cando visitaba a unha amiga en Kenia, coñeceu ao célebre antropólogo Louis Leakey, que lle conseguiu unha beca para que recopilase datos sobre chimpancés salvaxes co obxectivo de estudar as súas semellanzas cos humanos. O que descubriu alí foi tan revolucionario que lle garantizou un posto como unha das maiores científicas de campo do século XX. Tiña 26 años.

En 2018 se estrenó en los canales de National Geographic en España el documental "Jane" con imágenes inéditas, perdidas durante años en los archivos de National Geographic, y con la dirección de Brett Morgen. 

Aquí tedes o vídeo "trailer" do documental.


venres

CIENCIA NA BIBLIO

 Desde que, no ano 2001, a UNESCO declarou o 10 de Santos como Día Mundial da Ciencia para a Paz e o Desenvolvemento, novembro pasou a ser para todos nós o Mes da Ciencia. En consonancia con isto, desde hai 11 anos o profesorado de Galicia celebra en novembro o Mes da Ciencia en Galego. O obxectivo desta conmemoración é o de mostrar que a lingua galega é útil e tan válida como calquera outra para facer pescuda, ensino e divulgación científica. (Extraído do Portal da Lingua Galega)

As bibliotecas escolares de Galicia súmanse dende hai anos (como non podía ser doutra forma) a esta celebración e na nosa biblioteca preparamos unha sesión de experimentos para todos os grupos, todos eles relacionados cos sentidos e a percepción.

Así foi esta magnífica xornada na biblio.



xoves

LAS AVENTURAS DE LA SILLA DE LOS DESEOS

 Teo recoméndanos este libro de Enid Blyton publicado pola Editorial Susaeta e tamén a súa segunda parte ( Nuevas aventuras de la silla de los deseos).

Sabías que Enid Blyton escribiu ao longo da súa vida 762 obras dirixidas ao público infantil e os seus títulos foron traducidos a 40 idiomas? Debía de pasar os días escribindo sen parar!

Aquí tedes a Teo coa súa recomendación.



LOS UNICORNIOS

 A Emma lle encantan los unicornios, así que, además de recomendarnos o libro de "Pequeños Monstruos" do que nos fixo un marabilloso dibuxo, agora nos recomenda estoutro a través dun vídeo.

Trátase dun "libro linterna" de editorial Susaeta. Para ver ben as ilustracións e atopar as cousas que nos piden que busquemos temos que utilizar unha "linterna" de cartón que xa trae o libro.

Mellor que a vexades a ela contárvolo!



mércores

PEQUEÑOS MONSTRUOS

 Este libriño da nosa biblioteca é o escollido por Emma como o recomendado por ela.

Emma o escolleu porque di que é moi divertido e que os monstros "saen do libro". E é que é un libro "pop-up" escrito e creado por Jan Pieńkowski, polaco que escribiu, ilustrou e deseñou libros para nenas e nenos e foi publicado no noso país pola editorial Parramón.

Seguro que o coñecedes porque soe estar enriba da estantería. Aquí tedes unha foto do libro e tamén o precioso debuxo que nos fixo Emma.




BENXAMÍN, O CACHALOTE QUE QUERÍA SER GOLFIÑO

 Na illa de Ons vive Benxamín, un pequeno cachalote que devece por saltar, cantar e recitar poesía. Benxamín quere ser coma os golfiños que son os únicos que o fan. Pero, por máis que Benxamín o intenta só a sua amiga, a tartaruga Minerva, que ainda que lle chaman boba é moi lista, o escoita e lle sorrí.

Un día, Benxamín enferma de tristura e todos os animais que viven nas Illas Ons, intentan argallar un plan para que volte a sorrir e non desapareza a sua espécie.

Diso vai o libro de contos preferido por Alejandro. 

Publicado por Trinqueta Verde Editora, escrito por Paula Carballeira (actriz e escritora de Fene, veciña nosa!) e ilustrado por Blanca Millán (ilustradora tamén galega). A historia transcurre na Illa de Ons, na provincia de Pontevedra, así que podemos dicir que é un libro galego por excelencia.




luns

QUE FIXEMOS POLO 25 N?

 Un ano máis participamos nas actividades que dende a Fanpa Ferrolterra (Federación de Anpas) propoñen aos centros educativos da zona.

Son as Vº Xornadas Escolares de Ferrolterra pola Eliminación da Violencia de Xénero. Nesta ocasión tratábase de dar a coñecer a todo o alumnado a mensaxe de "Sos silencioso" e ademais encher unha "mans" de cartolina coas nosas mensaxes co noso  rexeitamento desta violencia sobre as mulleres que parece que nunca acaba.

As mans de cartolina serán recollidas para ser expostas nos comercios de Ferrol.

Aquí vos deixamos uns vídeos da Federación que explican a actividade e unhas fotos da nosa participación.







Así o celebramos nós.




E así luce a nosa entrada ao cole.




LECTURA PARA O 25 N

 O venres 24 reunímonos tod@s na biblioteca para unha lectura compartida do libro "Artur e Clementina", da Amelia Turín e Nella Bosnia da editorila Kalandraka,

Da sonada colección "A favor de las niñas", unha historia fabulada que reivindica o rol feminino na sociedade, combate os estereotipos sexistas e denuncia a discriminación. Porque aínda se necesitan obras sobre coeducación e igualdade.

Neste conto dáse unha das formas de violencia máis dañina entre as parellas…aquela que a través da descalificación e da falta de valoración do outro vai diminuíndo e  liquidando a autoestima. Aprender a detectala e saber evitala é fundamental para as nosas nenas e nenos.

Agardamos ter contribuído a que así sexa.




MARTINA DE CANGURO

 "Martina de canguro" é o libro que nos recomenda Samira. Publicado pola editorial Casterman, pertence a unha colección de contos que teñen a Martina como  protagonista de diferentes historias. Son máis de 50 títulos que foron traducidos a multitude de idiomas. O seu autor es Gilbert Delahayer  de Francia e os primeiros títulos da coleción apareceron en 1954. Ilustrados Marcel Marlier, ilustrador belga especializado en ilustración para nenos e nenas. Ademais tamén creou a súa propia serie de libros para nenos "Jean-Lou et Sophie".



domingo

COLOR CARNE

 Ibrahim recoméndanos a lectura deste libro da Editorial Penguin Kids , escrito por Desirée Bela Lobedde (escritora y educadora antiracista) e ilustrado por Lidia Mba (ilustradora y narradora afroespañola).

Como se di no libro:  “hay tantos colores de piel como personas hay en el mundo y que solo un color no sirve para representar a tanta gente”.

Ibrahim e este libro teñen moita razón. E xa hai varias marcas que venden caixas de 24 cores especialmente diseñadas para representar a persoas de todo o mundo”. 




sábado

LOS PLANETAS

 Da Editorial Jaguar, Ángela nos recomenda este libro ideal para aprender o nome de todos os planetas do Sistema Solar e ademais en verso. É dicir, para pasalo bomba aprendendo.

Escrito por Margarita del Mazo ( escritora da que temos varios libros na nosa biblio) e ilustrado por Cecilia Moreno.



EL GRAN LIBRO DE LA NATURALEZA

 Darío recoméndanos esta lectura que, como di na súa presentación, trata sobre animais, plantas e minerais e rochas.

"El gran libro de la Naturaleza" da Editorial Larousse, traducido por Jordi Trilla Segura e Ilustrado por Mauro Mazarri. As súas páxinas son impactantes e aprenderán moitas cousas que non atoparás noutros libros (montañas con sombreiro en Turquía, canicas xigantes en Nova Zelanda, unha chuvia vermella en Kerala, na India....




xoves

BUSCA CÓMO SALVAR EL PLANETA

 Cambio climático, calentamiento global, a contaminación, os residuos, a diferencia entre tempo  clima e moito máis neste libro que nos recomenda Irene.

"Busca cómo salvar el planeta"  é un libro da Editorial susaeta que segura que che fará pasar un rato divertido ademais de aprender moitas cousas. A Irene lle encantou!



mércores

HOOKY

 Aquí tedes a recomendación de Florinda, de 6º.

Hooky, cómic de Miriam Bonastre Tur que empezó publicando semanalmente nunha web e que chegou a formato papel... e xa vai saír o volume 3"

Eu estou a punto de ir mercar o libro.





luns

LA FEA DURMIENTE

 Luna repite nesto das recomendacións e segue con títulos da mesma colección.

Nesta ocasión trátase de "La fea durmiente", unha princesa que ocupa o seu tempo en ler e aprender. 




EL OSO CANSADO

 Melissa tamén nos recomenda a lectura de "El oso cansado" de Concha López Narváez e nos dibuxou a portada do libro obra do ilustrador Rafael Salmerón que ademais tamén é escritor gañador do Premio Nacional de Literatura Infantil y Juvenil en 2022. 




PENÉLOPE DETECTIVE

 Mila, da clase de E. Infantil, recomenda a lectura deste libro de Pamela Butchart e ilustrado por Christine Roussey

Para facelo disfrazouse da protagonista da historia. Non vola perdades!





LA ESTRELLA VIAJERA

Melissa  fainos esta recomendación de Rafael Ordóñez Cuadrado, escritor e contacontos galardoado cun feixe de premios.




DANIELA PIRATA

 A Luís encántalle recomendar libros e nesta ocasión ademais de facelo moi ben, ambientou a escea con moito acerto.

Recomenda a lectura do conto "Daniela pirata", un conto de Susana Isern que atoparedes na nosa biblioteca.



EL PATITO BELLO

Luna, de 1º, recomenda a lectura de este conto tan divertido da colección "Había otra vez" da editorial Everest. Escrito en verso (como toda a colección) e dándolle a volta aos clásicos contos infantís.
Como indica Luna na súa recomendacióne está escrito por Yanitzia Canetti, escritora y traductora cubana. 

 





 

EL HADA AMAPOLA

 Chloe, de 1º, recomienda "El hada Amapola" .

 


OLIVIA SALVA EL CIRCO

 Luís, de 4º, recoméndanos a lectura deste marabilloso conto de Ian Falconer.




sábado

DÍA DAS BIBLIOTECAS

 Esta conmemoración, que se celebra o 24 de outubro de cada ano dende 1997, non podía escapar da biblio do noso cole.

Ë a festa da nosa biblio (e de todas as outras). Ese lugar onde a tod@s nos encanta ir para ler, xogar, traballar, aprender, atoparnos, reunirnos.... Un lugar máxico onde todas e todos temos un sitio onde estar ben. Así o sinala tamén o cartel deste ano, de Nuria Riaza para a Dirección Xeral do Libro, o Cómic e a  Lectura.



O lema deste ano, "Tecendo Comunidades", pretende destacar o papel fundamental que desempeñan as bibliotecas na construcción de lazos fortes dentro das nosas comunidades. 
Tamén ocurre na nosa biblioteca.

E non imaxinamos mellor forma de celebrar este día cunha lectura para tod@s . Así que a profe Carmen leunos un dos contos que forman o libro "Lola se embala y otros cuentos terribles" .

(Clicade na imaxe para saber máis)

Ilustradora: ANKE KUHL
Editorial: Takatuka


Escolleu o título "Lisa sin dientes" , porque (como explicou a tod@s) como este ano estamos a traballar os hábitos saudables, e un deles (e moi importante) é a hixiene, e como dentro da hixiene está iso de lavarnos os dentes, pois neste conto descubrimos que lle pasou a Lisa para quedar sen dentes. Ademais as historias do libro están todas en verso, o que o fai aínda máis gracioso.
A verdade é que nos fixo moita gracia e tod@s queriamos que contase algunha outra historia terrible, pero non daba tempo.
Iso sí, podemos levar o libro en préstamo e descubrilo por nós mesm@s.

Aquí tedes un pequeno vídeo dese día.




mércores

DÍA DA INFANCIA 2023

 Este ano, para celebrar tan sinalado día, sumámonos á  3ª Xornada das superheroínas e superheroes á que a Xunta de Galicia convidaba a sumarse a todos os centros educativos, por iniciativa da Fundació La nineta dels ulls, que traballa para seguir investigando e buscando unha cura para o retinoblastoma (cancro ocular máis frecuente en nenas e nenos menores de 6 anos).

O lema desta xornada foi  "E ti, que  superpoder tes?



Así que pedimos ao noso alumnado e ás súas familias que nos enviasen unha foto onde se visibilizase o superpoder máis salientable de cada nena e de cada neno da escola, porque parécenos moi importante o recoñecemento das capacidades persoais de todos e todas e sobre todo daquelas capacidades que non quedan de manifesto na vida na escola.

Con todas as fotos fixemos un mural na entrada do cole, Ademais decoramos os antifaces que a campaña proporcionaba e nos sacamos unhas fotos todos xuntos baixo o mural.

E para deixar pegada para sempre, editaremos un libro (que pasará a formar parte dos fondos da biblioteca) onde quedará recollido o superpoder de cada nena e neno do cole.





E por ter participado nesta xornada que tanto nos gustou, recibiremos un selo de "Escola con superpoderes".







sábado

MERENDAS SAUDABLES DE OUTONO

 Dentro do Proxecto Anual do Centro, "Coidadiño! xente medrando, tratamos a alimentación como un dos aspectos fundamentais dos bos hábitos saudables.

Sempre insistimos nas clases da importancia de traer unha merenda saudable para o recreo. E para reforzalo aínda máis celebramos unha merenda de froitos e froitas de outono.

Cada nen@ trouxo ao cole unha pequena merenda para compartir co resto e o cole tamén aportou varias froitas diferentes. Puxemos toda a merenda nunhas mesas no patio cuberto e disfrutamos dunha merenda moi, moi, moi variada, saudable e en comunidade.

O que sobrou (que sobrou) fómolo comendo nos recreos dos seguintes días. Todo un éxito!




luns

PRIMEIRO DÍA DE COLE

 Como nos últimos cursos, neste primeiro día tamén contabamos cun xogo de probas e pistas por equipos heteroxéneos que nos permiten averiguar sobre que imos traballar no proxecto colectivo do centro para este curso escolar.

Neste vídeo volo contamos.



PRIMEIRO DÍA DE COLE de biblioteca franza


Pois xa sabedes! Traballaremos sobre os hábitos saudables e aprenderemos a coidarnos mellor. Alimentación (do corpo e do coco), vida activa, hixiene, responsabilidade e coidado da contorna axudarán a que vivamos todas e todos mellor e máis sans.

Xa o di o noso lema...

COIDADIÑO! XENTE MEDRANDO.

martes

DESEÑAMOS CON TINKERCAD

 En 6º de E. Primaria nas clases de robótica aprenderon a deseñar con Tinkercad e despois de varias prácticas de aprendizaxe xa estaban preparadas e preparados para deseñar o seu propio chaveiro para logo imprimilo na impresora 3D.

Mirade como quedaron os seus proxectos en Tinkercad.


AS NOSAS CASAS ECOLÓXICAS

 En 5º e 6º, dentro do proxecto anual "Planeta sostible, necesario e posible" elaboraron por equipos unhas maquetas de vivendas sostibles utilizando o material da biblioteca creativa e outro proporcionado polo cole.

Deseñaron, construíron e decoraron estas marabillosas construccións ás que nos iriamos a vivir sin ningunha dúbida.

Disfrutádeas!


O NOSO PRIMEIRO VÍDEO CON CROMA

 Polo Día de Rosalía grabamos en vídeo o poema "Fun un domingo" na nova instalación de creación audivisual repartindo os versos entre toda a comunidade educativa.

Con todo o material editamos o noso primeiro video con croma.

Aínda que nos gusta moito e nos fai moita ilusión, sabemos que aínda temos moito por mellorar. Prometemos intentalo!

OBRADOIROS CREATIVOS 2023

Organizamos unha xornada con Obradoiros Creativos para todo o alumnado.

Na biblioteca xogamos co Kapla, co Sumblox , cos Lego e outros xogos varios de construcción segundo as idades do alumnado.

Na aula de desdoble da planta baixa imitamos coreografías seguindo a pantalla e cantamos con karaoke.

E no patio cuberto participamos en varios obradoiros STEAM que organizaba "Espacio vivo" . Robots, Realidade Aumentada, Legos especiais, Robots......

En grupos rotamos polos 3 espazos e disfrutamos de todos os obradoiros.



luns

NOVOS TABOLEIROS PARA OS ESCORNABOTS

 En 6º, utilizando as clases de Robótica, creamos novos xogos para os nosos pequenos-xigantes robots.

Ben a man ou ben utilizando o ordenador deseñamos novos taboleiros de xogo, redactamos as súas regras e deseñamos tarxetas axeitadas e outro material se é que o xogo así o requería.

Este é o resultado.

Xa sabedes, quedarán na biblioteca para que poidades xogar cando queirades!


domingo

REMAMOS EN MUGARDOS

 Actividade deportiva do alumnado de 3º, 4º, 5º e 6º en Mugardos por medio do programa "Xogade".

Así de ben remaron!



venres

MÁQUINAS ECOLÓXICAS

 En 5º e 6º deberían idear, deseñar e construír con materiais de refugallo, máquinas e artefactos que propiciaran a ecoloxía no planeta Terra.

Non se trataba de aparellos que xa existen, senon aqueles que aínda están por chegar e para os que el@s aportan as súa propias ideas.

Ademais, como están traballando o tema de electricidade deberían incorporarlles un circuito eléctrico que funcionase.

E isto é o que construíron!


MÁQUINAS CON MATERIAIS DE REFUGALLO

 Dentro do proxecto anual "Planeta sostible, necesario e posible" propuxemos esta actividade para 3º e 4º de primaria. Idear e construír un artefacto con materiais de refugallo.

A resposta do alumnado foi esta marabilla.


SOLUCIÓN DAS ADIVIÑAS DE 5º E ENTREGA DE PREMIOS

 Reunímonos tod@s diante da biblio para dar as solucións das diferentes adiviñas e anunciar quen tivo máis acertos e polo tanto gañadora ou gañador da actividade.

Se tedes apuntadas as vosas propostas agora é a hora de comprobar os vosos acertos!


xoves

AUDIOCONTO EN 1º E 2º

 O alumnado de 1º e 2º fixo un audilibro co conto "A toupiña que quería saber quen lle fixera aquilo na cabeza", de  Holzwarth, Werner e Erlbruch, Wolf, traducido por Meyer, Franc para a Editorial Kalandraka.

Para iso repartíronse o texto entre todos e todas e grabaron as súas voces de xeito ordenado.

Do resultado podedes disfrutar aquí abaixo.

PARABÉNS A EST@S CHIC@S E Á SÚA PROFE MARINA!!



O SOÑARIO DE 6º

 "Soñario o diccionario de sueños del Dr. Maravillas" é un libro de Javier Sáez Castán publicado pola editorial Océano Travesía que leva moitos anos formando parte dos fondos da nosa biblio e que nunca nos cansamos de ler e disfrutar.

Trátase dun enxeñoso libro que o autor (ou o DR. Maravillas) di que é capaz de interpretar os soños. En total 144 soños "os máis universais e recurrentes" que se obteñen combinando 12 palabras coas súas 12 ilustracións correspondentes.

Cada palabra vai acompañada da súa definición así como da interpretación de soñar con ela, pero a páxina está dividida pola súa metade horizontal, de maneira que permite combinacións con outras. Así aparecen palabras de nova creación que manteñen unha definición coherente (aínda que imaxinaria) e unha interpretación do soño correspondente sintácticamente ben estructurada.

Todas as palabras aparecen na páxina da esquerda (pares) e as súas ilustracións nas páxinas da dereita (impares) que tamén a súa vez están "cortadas" pola súa metade horizontal. Cando combinamos as páxinas as ilustracións igualmente producen unha ilustración que se axusta á nova palabra .

Imaxe do libro


Este curso, ademais de disfrutar da lectura do libro, decidimos crear o noso propio Soñario" en 6º de Primaria como un trabllo interdisciplinar de Lingua Galega e Espresión plástica.

Foi un traballo interesante xa que o alumnado debería estudiar con atención qué frases se podían construír para que ao cortalas e empatalas con outras metades seguisen tendo coherencia sintáctica e gramatical.

Cada alumn@ debería encargarse de 2 páxinas do libro, tanto da parte escrita como da ilustración. Para iso establecimos unhas medidas exactas e comúns para tod@s.

Tamén deberían procurar unha moi boa presentación e rotulación para resultar atractivo.

Aínda estamos no proceso de encuadernación pero aquí vos deixamos un anticipo. 





mércores

AS 7 HERBAS DE SAN XOÁN

Queriamos facer unha actividade artística diferente e especial cunha presentación orixinal utilizando pequenas caixas de acetato transparente onde amosar pequenos tesouros.

As ideas foron (e son) moitas. Estas caixiñas poden dar moito xogo e ademais son reciclables dunha actividade a outra. Pero había que empezar por algunha.

E como a puxemos en marcha neste mes e queriamos que tivese relación coa natureza, optamos pola idea de "meter" nas caixas debuxos de flores en miniatura.

Cando empezamos a documentarnos sobre as flores máis comúns, tanto ornamentais coma silvestres,  para que cadaquen escollese a súa preferida, atopámonos coas  HERBAS DE SAN XOÁN, esas usadas tanto para colgar un ramo da porta que "espanta ás meigas" como para botar no caldeiro de auga co que lavarse ao mencer.

E decidimos, dada a proximidade da data, que non podían faltar na nosa creación artística.

Tamén atopamos este Genially onde podedes ler as propiedades que a cada unha se lle atribúen.


E puxémonos mans á obra!!!


martes

RETOS TABOLEIRO DE ENTRADA

Durante este curso, e cada certo tempo, e dependendo dos traballos varios nos que estamos inmers@s, propóñense retos ao alumnado no taboleiro de entrada relacionados co proxecto "Planeta sostible, necesario e posible".

Trátase de preguntas sobre as que deben indagar se queren responder axeitadamente ou actividades que poñan en xogo habilidades diferentes para construír unha mensaxe de sostenibilidade, pero con opcións axeitadas a cada grupo de idades do alumnado.

O alumnado debe escribir a resposta nun papeliño (co seu nome e curso) e introducila nunha urna que na entrada colocamos. Cando aparece un novo reto ábrese a urna e notifícanse os acertantes do reto.

Asimesmo se van colocando as probas pasadas coa súa solución para que tod@s coñezamos a resposta correcta.

Unha maneira máis, divertida e distendida de aprender a conquerir un planeta máis sostible.









Aquí vos deixamos as preguntas e as solucións en foramto PDF


luns

RECREOS NA BIBLIOTECA

 Son moitos os momentos máxicoa que se viven na biblioteca ao longgo do ano, pero a min gústame especialmente aqueles que son froito da propia iniciativa do alumnado.

É unha mágoa que non teñamos unha cámara incorporada xa que non sempre podo facer fotos. Pero algunha sí que teño e aquí volas deixo para que disfrutedes.


RECREOS EN LA BIBLIOTECA de biblioteca franza

domingo

ADIVIÑA ADIVIÑANZA. QUE TAL ANDADES DE REFRÁNS?

 Mirade que chulada de actividade fixeron en Lingua Galega o alumnado de 5º de primaria.

Seríades quen de adiviñar todos os refráns dos debuxos?

Ide apuntando as solucións que en próximos días saberedes a solución!


VISITAMOS O INSTITUTO

 Como cada curso, o IES de Mugardos preparou a visita do futuro alumnado procedente dos dous colexios públicos do Concello : CEIP Unión Mugardesa e CEIP. Santiago Apóstolo (o noso).

Se queredes coñecer algo máis sobre como foi este encontro, mirade a seguinte presentación!


5º E 6º SUPERCOMPETENTES

 Nas áreas de Ciencias Sociais e Ciencias Naturais o alumnado de 5º e 6º traballa dun xeito especial.

Cada tema novo é explicado e del se elabora un esquema dos puntos claves que hai que tratar.

Seguidamente, ben por traballos individuais ou por pequenos equipos (a maioría das veces) hai que elaborar un produto final que recolla todo o tema. "Libros con bolsillos", maquetas, murais... serven para recoller todo o tema. 

Cando é un traballo por equipos, ademais deben redactar (buscando a información tanto os fondos da biblioteca coma na rede ou ben a través de material que a profe Pili (que é quen pon en marcha todo isto) lles achega pola plataforma edixgal. Unha vez redactado deben repartirse o tema para expoñelo aos seus compañeir@s na aula ou ben noutras aulas, como é o caso dos vídeos que vos deixamos máis abaixo.

Un traballo completísimo de búsqueda e tratamento da información cun produto final en moitas ocasións sorprendente pola creatividade posta en xogo para acadalo.

Cos traballos elaborados durante o curso montouse unha exposición na entrada do cole que podedes disfrutar tamén neste documento que aquí deixamos.





Dalgunhas exposicións que fixeron noutras aulas (en 1º e 2º de E. Primaria) gardamos vídeo das mesmas e aquí o compartimos unificado nun só.



SIMPLEMENTE XENIAL!!!

xoves

TRABALLAMOS COS CONTOS

 En Educación Infantil puxemos en marcha unha fermosa actividade relacionado cos nosos contos preferidos.

Cada nena e cada neno escolleu un conto da biblioteca para levar a casa e, implicando ás familias, elaborar un obxecto ou personaxe do mesmo de maneira conxunta.

Todo iso despois de ler o conto co fogar e disfrutalo unha vez máis.

O feito de que as nenas e os nenos elaboren un obxecto relacionado co libro non fai máis que incrementar o vínculo que con ese conto sente e isto sen dúbida é unha moi boa iniciativa para espertar o amor polos libros e a lectura non máis pequenos.

Coas achegas que nos van chegando fixemos unha exposición na entrada do cole que causa as ledicias de tod@s cant@s a ven.

Mirade senón!


CONTOS E OBXECTOS de biblioteca franza

martes

DESEÑO 3D PARA O DÍA DO LIBRO

 Para conmemorar esta data pediuse ao alumnado de 5º e 6º que dibuxasen unha silueta dalgo relaccionado co libro co obxecto de imprimila na impresora 3D, .

Eses debuxos sufriron todas estas transformacións para poder ser impesos:

  1. Escaneados en formato .jpg
  2. Convertidos en arquivos .svg on-line.
  3. Cada imaxe en forma vector (.svg) foi importado a Tinkercad para redimensionalo e exportalo en arquivo .stl
  4. Introducidos no Software da nosa impresora para obter arquivos CODE e así poder imprimilos.
Estes catro procesos foron realizados polo alumnado de maneira que adquirisen competencias para o tratamento de arquivos para a impresión aditiva.

A impresión dos mesmos se fará un destes días. Prometemos amosarvos o resultado, cando ademais, se así o prefiren , poderán colorealos.

De momento observade algún dos deseños escollidos:







E así se ven cando os importamos a Tinkercad.





KAHOOT SOBRE A HORTA

 En 1º e 2º, con todo o que aprenderon este ano sobre a horta escolar xogaron un Kahoot que sobre o tema preparou a súa profe Marina.

Fixérono xenial!!








domingo

REVISAMOS AS TRAMPAS DE VELUTINAS

Reunímonos na entrada do cole onde Nathany explicounos cómo preparar líquido para renovar o das trampas que puxemos o outro día no cole.

Saímos e axudámoslle a revisar se collimos algunha e a repoñer o líquido se é preciso.