mércores

Queriamos facer unha actividade artística diferente e especial cunha presentación orixinal utilizando pequenas caixas de acetato transparente onde amosar pequenos tesouros.

As ideas foron (e son) moitas. Estas caixiñas poden dar moito xogo e ademais son reciclables dunha actividade a outra. Pero había que empezar por algunha.

E como a puxemos en marcha neste mes e queriamos que tivese relación coa natureza, optamos pola idea de "meter" nas caixas debuxos de flores en miniatura.

Cando empezamos a documentarnos sobre as flores máis comúns, tanto ornamentais coma silvestres,  para que cadaquen escollese a súa preferida, atopámonos coas  HERBAS DE SAN XOÁN, esas usadas tanto para colgar un ramo da porta que "espanta ás meigas" como para botar no caldeiro de auga co que lavarse ao mencer.

E decidimos, dada a proximidade da data, que non podían faltar na nosa creación artística.

Tamén atopamos este Genially onde podedes ler as propiedades que a cada unha se lle atribúen.


E puxémonos mans á obra!!!


martes

RETOS TABOLEIRO DE ENTRADA

Durante este curso, e cada certo tempo, e dependendo dos traballos varios nos que estamos inmers@s, propóñense retos ao alumnado no taboleiro de entrada relacionados co proxecto "Planeta sostible, necesario e posible".

Trátase de preguntas sobre as que deben indagar se queren responder axeitadamente ou actividades que poñan en xogo habilidades diferentes para construír unha mensaxe de sostenibilidade, pero con opcións axeitadas a cada grupo de idades do alumnado.

O alumnado debe escribir a resposta nun papeliño (co seu nome e curso) e introducila nunha urna que na entrada colocamos. Cando aparece un novo reto ábrese a urna e notifícanse os acertantes do reto.

Asimesmo se van colocando as probas pasadas coa súa solución para que tod@s coñezamos a resposta correcta.

Unha maneira máis, divertida e distendida de aprender a conquerir un planeta máis sostible.









Aquí vos deixamos as preguntas e as solucións en foramto PDF


luns

RECREOS NA BIBLIOTECA

 Son moitos os momentos máxicoa que se viven na biblioteca ao longgo do ano, pero a min gústame especialmente aqueles que son froito da propia iniciativa do alumnado.

É unha mágoa que non teñamos unha cámara incorporada xa que non sempre podo facer fotos. Pero algunha sí que teño e aquí volas deixo para que disfrutedes.


RECREOS EN LA BIBLIOTECA de biblioteca franza

domingo

VISITAMOS O INSTITUTO

 Como cada curso, o IES de Mugardos preparou a visita do futuro alumnado procedente dos dous colexios públicos do Concello : CEIP Unión Mugardesa e CEIP. Santiago Apóstolo (o noso).

Se queredes coñecer algo máis sobre como foi este encontro, mirade a seguinte presentación!


5º E 6º SUPERCOMPETENTES

 Nas áreas de Ciencias Sociais e Ciencias Naturais o alumnado de 5º e 6º traballa dun xeito especial.

Cada tema novo é explicado e del se elabora un esquema dos puntos claves que hai que tratar.

Seguidamente, ben por traballos individuais ou por pequenos equipos (a maioría das veces) hai que elaborar un produto final que recolla todo o tema. "Libros con bolsillos", maquetas, murais... serven para recoller todo o tema. 

Cando é un traballo por equipos, ademais deben redactar (buscando a información tanto os fondos da biblioteca coma na rede ou ben a través de material que a profe Pili (que é quen pon en marcha todo isto) lles achega pola plataforma edixgal. Unha vez redactado deben repartirse o tema para expoñelo aos seus compañeir@s na aula ou ben noutras aulas, como é o caso dos vídeos que vos deixamos máis abaixo.

Un traballo completísimo de búsqueda e tratamento da información cun produto final en moitas ocasións sorprendente pola creatividade posta en xogo para acadalo.

Cos traballos elaborados durante o curso montouse unha exposición na entrada do cole que podedes disfrutar tamén neste documento que aquí deixamos.





Dalgunhas exposicións que fixeron noutras aulas (en 1º e 2º de E. Primaria) gardamos vídeo das mesmas e aquí o compartimos unificado nun só.



SIMPLEMENTE XENIAL!!!

xoves

TRABALLAMOS COS CONTOS

 En Educación Infantil puxemos en marcha unha fermosa actividade relacionado cos nosos contos preferidos.

Cada nena e cada neno escolleu un conto da biblioteca para levar a casa e, implicando ás familias, elaborar un obxecto ou personaxe do mesmo de maneira conxunta.

Todo iso despois de ler o conto co fogar e disfrutalo unha vez máis.

O feito de que as nenas e os nenos elaboren un obxecto relacionado co libro non fai máis que incrementar o vínculo que con ese conto sente e isto sen dúbida é unha moi boa iniciativa para espertar o amor polos libros e a lectura non máis pequenos.

Coas achegas que nos van chegando fixemos unha exposición na entrada do cole que causa as ledicias de tod@s cant@s a ven.

Mirade senón!


CONTOS E OBXECTOS de biblioteca franza

martes

DESEÑO 3D PARA O DÍA DO LIBRO

 Para conmemorar esta data pediuse ao alumnado de 5º e 6º que dibuxasen unha silueta dalgo relaccionado co libro co obxecto de imprimila na impresora 3D, .

Eses debuxos sufriron todas estas transformacións para poder ser impesos:

  1. Escaneados en formato .jpg
  2. Convertidos en arquivos .svg on-line.
  3. Cada imaxe en forma vector (.svg) foi importado a Tinkercad para redimensionalo e exportalo en arquivo .stl
  4. Introducidos no Software da nosa impresora para obter arquivos CODE e así poder imprimilos.
Estes catro procesos foron realizados polo alumnado de maneira que adquirisen competencias para o tratamento de arquivos para a impresión aditiva.

A impresión dos mesmos se fará un destes días. Prometemos amosarvos o resultado, cando ademais, se así o prefiren , poderán colorealos.

De momento observade algún dos deseños escollidos:







E así se ven cando os importamos a Tinkercad.





KAHOOT SOBRE A HORTA

 En 1º e 2º, con todo o que aprenderon este ano sobre a horta escolar xogaron un Kahoot que sobre o tema preparou a súa profe Marina.

Fixérono xenial!!








domingo

REVISAMOS AS TRAMPAS DE VELUTINAS

Reunímonos na entrada do cole onde Nathany explicounos cómo preparar líquido para renovar o das trampas que puxemos o outro día no cole.

Saímos e axudámoslle a revisar se collimos algunha e a repoñer o líquido se é preciso.













EXPERT@S XARDINEIR@S ENSÍNANOS A PLANTAR

 No IES de Mugardos teñen un Ciclo de Xardinería. A Orientadora do IES propuxo que saíran do centro a ensinar o que aprenden ao alumnado dos colexios do concello.

Así que puxéronse de acordo con Eva, profe de PT do noso cole, e viñeron a traballar cas nenas e nenos de E. Infantil e do 1º Cilo de Primaria.

A primeira parte da visita consistiu en contar en conto ao alumnado.

O libro escollido foi "Un árbol" de Rodrigo Mattioli para "Apila Ediciones", un precioso libro cun precioso texto e cunha marabillosa mensaxe.

Alina decidiu plantar unha árbore e todo comenzou a cambiar.

Ás veces unha pequena decisión é suficiente para transformar todo o que nos rodea.

(Extraído da páxina da editorial)

Encontramos en You Tube este vídeo, por se queredes coñecer a historia.












Despois do conto chegou a hora do xardín.
Traballamos moito e quedáronos unhas xardineiras preciosas. Tamén plantamos na horta!
Fixémonos moi amigos e antes de marchar do cole xogaron cos nenos e nenas no patio.

Mirade o vídeo coas fotos:

MOITAS GRAZAS POR ESA VISITA!!!!!


NAVEGA CON RUMBO.

Plan Navega con Rumbo polo Ciberespazo é unha iniciativa encamiñada a que o alumnado dos centros escolares de Galicia, naveguen con seguridade, evitando o ciberacoso e outros riscos de Internet coas recomendacións que este plan ofrece.

O Colexio Profesional de Enxeñaría en Informática de Galicia (CPEIG), en colaboración coa Consellería de Cultura, Educación e Universidade da Xunta de Galicia organizan este Plan dende hai xa varos anos (iniciouse no curso 2010-2011).

A pessar de ter recibido unha charla destas características a principio de curso dentro do Plan Director para a convivencia e a mellora da seguridade nos centros educativos e nos seus contornos  decidimos solicitar tamén esta formación, xa que cremos moi necesaria unha ampla educación no uso da rede.

Un membro do Colexio Profesional de Enxenería en Informática de Galicia impartiu a charla na aula de 5º e 6º.






Para que non se nos esquenzan o maís importante do que aprendimos vos deixamos aquí os 1º "tips" extraídos da web do programa.

1. Protexerei a miña privacidade

Sempre empregarei un alcume e nunca intercambiarei datos persoais por Internet. Debo ser consciente de que calquera contido que suba a Internet estará dispoñible para moitísimas persoas.

2. Configurarei o meu perfil

Manterei o perfil privado nas redes sociais para evitar que descoñecidos accedan a miña información persoal.

3. Falarei co meu pai, nai e titores

Comentarei co meu pai, nai ou titores calquera situación que me incomode. Os riscos en liña son semellantes aos da vida real e podo atopar a alguén que me amole virtualmente.

4. Ignorarei o spam e outros

Non farei caso do spam, é dicir, non abrirei correos electrónicos nin documentos xuntos sospeitosos.

5. Non mercarei sen permiso

Non farei compras por Internet sen consultalo cos meus maiores.

6. Serei respectuoso

Gardarei respecto e educación nas formas e no xeito de expresarme a través de Internet. Se atopo un sitio no que está escrito “acceso prohibido a menores”, respectarei esa indicación.

7. Usarei contrasinais difíciles de adiviñar

Evitarei os contrasinais fáciles de adiviñar, como nome ou data de nacemento, e usarei maiúsculas, minúsculas, números e sinais.

8. Non me fiarei dos perfís

Non me fiarei dos descoñecidos cos que tome contacto a través de Internet e, por suposto, non me citarei con eles a través da Rede para quedar na vida real.

9. Coidarei o meu dispositivo (ordenador, portátil, móbil, tableta ….)

Empregarei sempre software actualizado e por medio de canles oficiais.

10. Recordarei que Internet ten memoria

Antes de publicar, pensarei dúas veces se o escrito é correcto, se fará dano, se se entende como eu penso…


RECOLLIDA SELECTIVA DO LIXO NO CONCELLO

 Dentro do Proxecto Anual "Planeta sostible, necesario e posible" en 1º e 2º de Primaria realizaron un magnífico traballo.

Realizaron unha saída pola contorna, acompañad@s do alumnado de E. Infantil que tamén colaboraron, preparados para recoller datos sobre os contenedores de recollida selectiva que atoparon pola ruta establecida.

E ata presenciaron en directo o vaciado dun contenedor no camión. (Segue despois das fotos)








Tiveron a sorte de que polo camiño convidáronnos a visitar unha pequena granxa da localidade. Logo chegaron ao parque de "A Regueira" onde tomaron a merenda e xogaron un tempiño.





                                                                       Merenda





Xogos









E xa de volta a clase tocou traballar cos datos recollidos. Mirade que xenialidade!