A partir dunha coñecida cantiga galega creamos outras estrofas para compoñer a nosa copla do Entroido.
Interpretámola colectivamente (cada curso a súa correspondente e entre tod@s a estrofa correspondente a E. Infantil) na zona do horto escolar.
Seguro que vos gustará.
Como este ano o proxecto do cole trata sobre a pintura galega, para o Entroido o Equipo de Dinamización da Lingua Galega escolleu 4 cadros de pintores e pintoras galegos que representan profesións diferentes (antigas e actuais) e unha ilustración da galega Iria Fafián para un libro-disco de cancións para a Paz " A bruxa da discordia".
Aquí tedes os escollidos:
Un ano máis Pulpi foi o encargado de propoñer os mandados para o Entroido.
Os carteis expoñíanse na entrada do centro para podelos ver ben o día anterior.
E por suposto con referencia ás "Artes pintureiras"
Ademais o alumnado de 5º elaborou un cartel co programa das festas.
Así de ben o pasamos o luns, martes, mércores e xoves.
Ademais o mércores coincidiu co Día de Rosalía no que ademais dun vídeo contando a súa vida co kamishibai preparamos unha coreografía co tema "Rosalía pequeniña", de Uxía Senlle, no disco-libro do mesmo nome da Editorial Galaxia, canción que encanta a grandes e pequenos e que nunca nos pode faltar no día da nosa grande poetisa.
Temos unha entrada no blog tanto para o kamishibai coma para a coreografía.
O venres foi o día grande e iso merece unha nova entrada.
Marabilloso traballo do alumnado de 5º para compartir contos cos mais pequenos.
Como con isto da pandemia aínda non nos xuntamos, e para traballar a lectura expresiva en galego, idearon facer unha pequena selección de contos. Un por cada alumna e alumno.
Cadaquen o levaba a casa para practicar a súa lectura e deberían entregar unha grabación de audio co resultado. así nas outras clases poderín ver as ilustracións memtres os seus compas maiores narraban a historia.
Estes foron os libros seleccionados
Escolleron ben, a que si? O son non é do mellor xa que utilizaron os medios caseiros dos que dispoñían, pero aínda así é un pracer escoital@s.
Se queres escoitar outra vez algún aquí che deixamos uns pouquiños.
Unha vez máis celebramos no cole o Día de Rosalía. Non podía ser doutra forma, porque non nos cansamos de disfrutar da súa poesía e de admirarnos ano tras anos de que siga a emocionar a grandes e pequenos a pesar do paso dos anos.
Sabemos que moitos dos seus poemas están musicados e coñecemos diferentes versións pero fagamos o que fagamos sempre temos que rematar a celebración coa canción de Uxía "Rosalía pequeniña" do seu libro disco do mesmo título.(A unión de dúas mulleres tan marabillosas non pode máis que ofrecer un resultado magnífico).
Como nos gusta tanto, este ano preparamos unha danza con percusión corporal para bailar todos xuntos na pista do cole neste día tan sinalado.
Cada grupo de aula preparou o seu fragmento de danza nas clases de música e logo xuntámonos na pista para interpretar a danza tod@s xunt@s na pista. Desa maneira cada grupo disfrutaba como público da coreografía dos outros cursos e esmerábase en interpretar o seu fragmento.
Disfrutamos moito e sentímonos orgullos@s do resultado final. E para podelo compartir coa comunidade educativa poñémolo aquí en vídeo.
Un curso máis solicitamos participar neste plan solicitando charlas informativas
Un cuso máis solicitamos as charlas informativas/formativas impartidas por persoas expertas das Forzas e Corpos de Seguridade do Estado que a Consellería de Educación pon á disposición dos centros educativos no chamado Plan Director para a convivencia e a mellora da seguridade nos centros educativos e nos seus contornos. Impartíronse para 5º e 6º de Primaria
Os temas escollidos polo noso cole foron :
31 de xaneiro: Novas Tecnoloxías
7 de febreiro: Acoso Escolar
21 de febreiro: Violencia de Xénero
Como esta pandemia aínda non nos deixa xuntarnos tod@s na biblio para disfrutar de lecturas colectivas (entre outras cousas máis) as rapazas e rapaces de 5º e de 6º fan esta lectura en Kamishibai gravada en vídeo para que a poidades disfrutar igualmente, e ademais todas as veces que queirades.
Grazas compis!!
LETRA
Ao pé dunha marisqueira (bis)
choraba un berberechiño
porque era tan grande a vieira
e el era tan pequeniño (bis)
ailalelo ailalalo.
Vimos os de Franza con moito saleiro
cos nosos disfraces, todos estupendos
e gozando moito grandes e pequenos.
Este Entroido mola por ser pintureiro.
No lavadoiro de Franza (bis)
haiche moita algarabía:
o xabrón caeu á auga
cando Bego o quería (bis)
ailalelo, ailalalo.
RETROUSO
Nesta escola do pasado (bis)
temos unha profe tola,
conta cos dedos dos pés
pinta coa tiza na boca (bis)
ailalelo, ailalalo.
RETROUSO
A estas pequenas bruxiñas (bis)
gustáballes guerrear
pero agora xa aprenderon
que o que mola é a PAZ (bis)
ailalelo, ailalalo.
RETROUSO
Que mellor sitio que na biblio para traballar a linguaxe cos máis pequenos? Ou ben utilizar os materiais da biblio para levar á aula!
Isto é o que fai a profe de Audición e Linguaxe no noso cole co alumnado de E.Infantil.
As imaxes son tan bonitas que lles tiñamos que adicar unha entrada no blog.
Esta actividade foi proposta polo Deapartamento de Dinamización da Lingua Galega no marco do proxecto anual "Isto pinta ben" poñendo en valor pintoras e pintores galegos e fomentando o uso da nosa lingua como vehículo para a expresión dos nosos sentimentos.
O taboleiro de entrada ao cole apareceu así:
Dúas marabillosas obras de Vanesa Lodeiro, artista galega contemporánea que combina a súa propia creación con clases de puintura para nenos e maiores.
Segundo se recolle no blog de arte SubastaReal , a propia Vanesa di que a súa obra é unha especie de "diario persoal" ao que lle "arrincou os páxinas tristes", unha oda á alegría de vivir e que pon a súa arte para transformar os seus recordos nunha experiencia de vida.
Como non podía ser doutra forma, o noso alumnado púxose mans á obra na creación deses lemas sobre a paz que a actividade propón e penduran nunha árbore sen follas á espera de seren impresas en vinilos que decoraran os chanzos da escaleira de acceso.
As profes do cole pedimos unha formación inicial en primeiros auxilios para saber como actuar ante situacións posibles na escola.
Recibimos a formación no horario de tardes e aprendimos moito, moito:
Como proposta para conmemorar este día recibimos de parte da FANPA Ferrolterra Concepción Arenal a seguinte información.
Así recibimos no cole as nosas "Violetas" que enseguida enchemos de mensaxes das nenas e nenos do cole rexeitando unha vez máis esta violencia exercida contra as mulleres só polo feito de ser mulleres.
Unha vez máis participamos nesta iniciativa da ONG Save the Chrildren.
Xa sabedes.... As nenas e nenos do cole corren pola paz ademais de coñecer mellor o mundo que lles rodea a partir dos materiais que a ONG proporciona e que traballamos nas aulas.
Este ano a ONG adica esta iniciativa (e os cartos recollidos con ela) ao Corno de África, onde a pobreza, o cambio climático, os conflictos ,a desnutrición e a pandemia polo Covid e as desigualdades de xénero provocan unha situación de hambruna alrmante e nunca antes acadada.
Pensade só por un momento que no mundo hai 5,7 millóns de nenas e nenos menores de 5 anos en risco de morte por desnutrición. Dise moi rápido pero non é fácil de dixerir.
O noso alumnado, co dorlas proporcionado pola ONG corre cantas voltas ao patio poida e sexa capaz. No seu "carnet da carreira" apúntanse al voltas que deu e as familias "subencionan" o seu esforzo na medida que estimen oportuna.
Os cartos recollidos son enviados por nós á ONG para axudar nesta loita imprescindible.
GRAZAS A TOD@S POLO VOSO ESFORZO E IMPLICACIÓN
