Como proposta para conmemorar este día recibimos de parte da FANPA Ferrolterra Concepción Arenal a seguinte información.
E apuntámonos, claro!
Este ano se poñía o "foco" nas vítimas invisibles desta violencia
"Tras cada nai maltratada que ten fillos ou fillas menores, estes/as sofren trastornos físicos, emocionais,
cognitivos, conductuais e sociais.
É un mito que a conducta violenta do agresor á muller non é un risco para os seus fillos/as.
O exercicio da Violencia Doméstica sempre afecta aos nenos e nenas, sempre, ben como receptores,
ben como testigos. As agresións dunha figura primordial de referencia no seu crecemento (o pai) sobre
o axente de socialización por excelencia (a nai), levan aos menores a crecer nun profundo medo, ata o
punto que os trastornos e problemas que presentan estes nenos e nenas son similares aos que presentan
as súas nais como vítimas directas de violencia de xénero."
Así recibimos no cole as nosas "Violetas" que enseguida enchemos de mensaxes das nenas e nenos do cole rexeitando unha vez máis esta violencia exercida contra as mulleres só polo feito de ser mulleres.
Tamén se propoñía aprender unha coreografía especialmente deseñada para unha canción creada por Eugenia Sanmartín para a ocasión. No cole non nos atrevemos coa coreografía pero si visionamos o vídeo nas aulas e traballamos sobre a letra.
Auí tedes enlazado o vídeo proposto.
Ningún comentario:
Publicar un comentario