PROXECTO IMAXINARTE

Para poñer o broche final a este curso, celebramos unha fermosa exposición cos traballos artísticos realizados polo alumnado dentro do proxecto de centro ImaxinArte.

A entrada do colexio, os dous corredores e a biblioteca convertéronse nun auténtico museo, onde as familias puideron gozar das creacións inspiradas nos diferentes autores e autoras traballados ao longo do curso. Entre eles estiveron Van Gogh, Kandinski, Gaudí, Picasso, Rosalía de Castro, Castelao, Yayoi Kusama e Andy Warhol. Cada obra reflectía a creatividade, a imaxinación e a particular interpretación que cada nena e neno fixo do artista estudado.

Ademais, na radio escolar expuxéronse as reseñas das persoas entrevistadas ao longo deste curso: músicos, pintores, deportistas, sanitarios e outros profesionais que compartiron connosco as súas experiencias e coñecementos, enriquecendo a aprendizaxe do alumnado.

Neste mesmo espazo o alumnado tamén explicou a súa experiencia no Programa CANSAT, relatando as partes e o funcionamento do sátelite creado por eles mesmos.

O máis especial desta xornada foi que foron as propias nenas e nenos os encargados de acompañar ás súas familias durante a visita, explicándolles quen eran os autores traballados, que aprenderan sobre eles e o significado das súas creacións. Con moita ilusión e entusiasmo convertéronse en auténticos guías da exposición, demostrando todo o aprendido ao longo do curso.

 

Para pechar a xornada o todo o alumnado do centro preparou coa mestra de música uns bailes de despedida.

Foi unha magnífica maneira de compartir coa comunidade educativa o traballo realizado durante estes meses e de celebrar a arte, a lectura, a creatividade e a aprendizaxe compartida.

Grazas a todas as familias pola súa asistencia e por acompañarnos unha vez máis nesta experiencia tan especial. Ata o vindeiro curso!

EXCURSIÓN FIN DE CURSO: MARCELLE NATUREZA

 Onte celebramos a nosa excursión de fin de curso cunha visita a Marcelle Natureza, en Lugo. Todo o alumnado desprazouse en autobús ata esta reserva natural, onde vivimos unha xornada inesquecible rodeados de natureza, aprendizaxe e convivencia.

Unha vez alí, acompañados polas monitoras do parque, percorremos as distintas instalacións e puidemos observar de preto os numerosos animais que viven en Marcelle. Durante a visita aprendemos que moitos deles chegaron ao parque despois de sufrir situacións moi difíciles, como o abandono, o maltrato ou condicións de vida inadecuadas. Grazas ao labor de coidado e protección que se realiza neste lugar, estes animais teñen agora unha segunda oportunidade para vivir nun entorno seguro e adaptado ás súas necesidades.

A experiencia permitiunos non só coñecer diferentes especies, senón tamén reflexionar sobre a importancia do respecto aos animais e da conservación da natureza. Foi unha actividade moi enriquecedora, na que aprendemos observando e escoitando as explicacións das monitoras.

Ademais da visita, gozamos dun agradable tempo de convivencia ao aire libre. Compartimos a comida nun entorno natural e tivemos ocasión de participar en xogos e actividades cos nosos compañeiros e compañeiras, fortalecendo así os lazos de amizade e rematando o curso dunha maneira moi especial.

Sen dúbida, foi unha xornada chea de experiencias, aprendizaxes e bos momentos que permanecerán na nosa memoria como un excelente peche para este curso escolar.

MÁQUINAS SIMPLES

 

AS nosas máquinas

CULTURA XERAL NA BIBLIOTECA

 Nesta presentación recollemos algunhas das actividades realizadas polo alumnado do segundo e terceiro ciclo de Primaria arredor da cultura xeral.

A través dun xogo dinámico e participativo, os nenos e nenas puxeron a proba os seus coñecementos sobre música, edificios e monumentos emblemáticos como a Alhambra ou a Sagrada Familia, así como sobre obras pictóricas e outros elementos culturais de interese.

Cada grupo foi sumando puntos a medida que resolvía as diferentes cuestións propostas, fomentando así o traballo en equipo, a motivación e a aprendizaxe compartida. A actividade desenvolveuse na biblioteca do centro, convertendo este espazo nun lugar de encontro, descubrimento e diversión, onde aprender resultou máis lúdico, ameno e distendido.

Gravación canción do centro "Hai un sitio para ti".

 

EXPLORADORES DO MUNDO: UNHA VIAXE A TRAVÉS DAS CARTAS

 

Exploradores do mundo: Unha viaxe a través das cartas en 3º e 4º

TRABALLANDO POLA INCLUSIÓN

 Dende o mes de novembro, debido a gran presenza de alumnado con neae que hai no centro, añadiuse unha terceira zona de recreo para favorecer a inclusión de todo o alumnado e así aproveitar ao máximo os espazos do centro. 

Cada día da semana o alumnado tiña unha proposta nun espazo diferente do centro ao cal podería acceder de forma voluntaria.

Durante todo o curso realizouse un seguemento das zonas e das propostas para, no caso de ser necesario, poder facer as modificaciones pertinentes.

Ao longo do curso e coa chegada do bo tempo, algunhas das zonas modificáronse e realizáronse outras propostas como a zona de horto escolar e mini competicións deportivas.

Aquí vos deixamos unha mostra do ben que o pasaron e de todo no que participaron.

traballando pola inclusión

"IMAXINARTE": O NOSO PROXECTO DE CENTRO

 Ao longo deste curso, o noso Proxecto de Centro que leva por titulo "IMAXINARTE" permitiunos achegarnos ao fascinante mundo da arte a través dun percorrido polas Sete Belas Artes (pintura, literatura, arquitectura, escultura, música, danza e cine) da man de grandes artistas de diferentes épocas e estilos. 

O alumnado de todas as idades participou activamente nesta iniciativa, investigando, descubrindo e creando inspiracións baseadas en artistas tan recoñecidos como Gaudí, Kandinsky, Picasso,(galegos como Leandro Lamas, Castelao),Van Gogh etc...

Cada grupo achegou a súa visión persoal e creativa, elaborando traballos moi variados que DESDE as clases de plástica e traballos feitos para distintas datas significativas como o entroido, día de rosalía... reflicten tanto o coñecemento adquirido como o esforzo e a ilusión postos en cada actividade. 

O resultado deste traballo colectivo é unha gran exposición artística distribuída por distintos espazos do centro, convertendo os corredores e aulas nun auténtico museo cheo de cor, creatividade e aprendizaxe.

Na última semana de clase, as familias terán a oportunidade de visitar esta exposición e coñecer de preto as obras realizadas polo alumnado. Ademais, os alumnos e alumnas de sexto de Educación Primaria asumirán o papel de guías, acompañando aos visitantes durante o percorrido e explicando os diferentes traballos e artistas que inspiraron cada creación e unha actuación final moi especial.

Será unha ocasión moi especial para compartir coa comunidade educativa todo o aprendido durante este curso e para celebrar, xuntos, o valor da arte como ferramenta de expresión, coñecemento e convivencia.