SE QUEREDES ESCOITAR A ENTREVISTA CLICADE NA IMAXE:
venres
MOCHILAS VIAXEIRAS
Un ano máis, no noso centro puxemos en marcha a actividade das mochilas viaxeiras, unha iniciativa que parte da biblioteca escolar e que busca achegar a lectura aos nen@s e familias dun xeito lúdico e motivador.
Cada mochila está preparada con coidado, incluíndo unha selección de libros adaptados ás diferentes idades do alumnado. Para a súa elección téñense en conta aspectos como o contido, a calidade das ilustracións, o formato e o atractivo xeral das obras, co obxectivo de espertar o interese e o gusto pola lectura.
En cada titoría poñeranse en circulación dúas mochilas, que irán pasando polas casas do alumnado, permanecendo aproximadamente unha semana en cada fogar. Durante ese tempo, as familias poderán gozar xuntas dos materiais que conteñen.
É importante lembrar que non se trata de ler todos os libros, senón de compartir aqueles que máis gusten, respectando os ritmos e intereses de cada neno e nena. Ademais, cada mochila inclúe tamén algún xogo, pensado para fomentar momentos de lecer en familia.
Agardamos que esta actividade siga sendo unha experiencia enriquecedora, que fomente o amor pola lectura e fortaleza os vínculos entre a escola e as familias.
mércores
20 DE MARZO: VISITA AO MUSEO DE BELAS ARTES (A CORUÑA)
O pasado 20 de marzo, visitamos o Museo de Belas Artes da Coruña, unha visita cultural moi interesante na que aprendimos moito e desfrutamos ainda máis.
Se queredes ver todo o que fixemos e o ben que o pasamos, votade un ollo á seguinte presentación.
luns
9-13 DE MARZO: SEMANA DA PRENSA
Conmemoramos esta semana, o alumnado de 1⁰ ciclo, mergulláronse no mundo da prensa escrita a través do xénero xornalístico.
Non só coñeceron, analizaron e exploraron as súas características se nón que tamén levaron a cabo unha proposta divertida e creativa que lles permitiu dar renda solta a súa imaxinación.
Crearon a súa propia sección de sucesos empregando a técnica de Gianni Rodari; "Titulares Tolos".
O resultado foi moi divertido, cheo de ocorrencias moi orixinais.
Ademais, o alumnado desde terceiro ata sexto de primaria participou nunha actividade moi creativa na biblioteca do centro.
Durante a sesión, explicóuselles que tiñan que elaborar unha noticia a partir de recortes de xornais proporcionados polas mestras.
A partir deses materiais, os alumnos/as tiveron que construír a súa propia noticia, respondendo ás preguntas básicas do xornalismo: onde?, quen? e como? Cos datos recortados de diferentes xornais.
A actividade partía dun elemento moi divertido: un titular absurdo que cada nen@ sacaba ao chou dun sobre, a partires del, o alumnado tiña que desenvolver a noticia como se fose real, deixando voar a súa imaxinación pero mantendo a estrutura propia dun texto xornalístico.
Esta proposta resultou moi motivadora, xa que permitiu traballar a comprensión dun xornal, a expresión escrita e a creatividade dun xeito lúdico e participativo pois tamén ilustraron cada noticia.
Sen dúbida, foi unha experiencia enriquecedora que achegou o mundo do xornalismo ao alumnado, ao tempo que gozaban creando as súas propias historias cun toque de humor.
venres
DINÁMICA DE CONVIVENCIA
Dentro do Plan de Convivencia do noso centro levamos a cabo unha actividade moi especial co alumnado de terceiro a sexto de primaria, centrada na importancia do respecto, a empatía e a comunicación positiva entre iguais.
A actividade desenvolveuse na biblioteca, onde comezamos cun pequeno coloquio sentados en círculo, no que reflexionamos sobre a convivencia diaria e os conflitos que ás veces xorden entre compañeiros e compañeiras. A partir desta conversa inicial, propúxoselles unha dinámica moi significativa: a cada alumno e alumna colocóuselle un folio en branco na espalda, no que os demais tiñan que escribir mensaxes positivas, cualidades ou aspectos que valoran desa persoa.(todos tiñan que ter algunha palabra positiva)
Unha vez rematada a actividade, realizamos unha posta en común na que puidemos compartir e comentar todo o positivo que xurdiu. Foi un momento moi emotivo, no que o alumnado tivo conciencia da importancia de expresar o bo que vemos nos demais.
A través desta experiencia, quixemos facerlles ver que, se nos esforzamos máis en dicirnos cousas positivas e en valorar aos demais, probablemente reduciríamos moitos dos conflitos que xorden no día a día. Sen dúbida, foi unha actividade enriquecedora que contribuíu a fortalecer os vínculos e a mellorar a convivencia no centro.
mércores
8M: DÍA DA MULLER
O pasado 8 de marzo celebramos no noso centro o Día Internacional da Muller cunha xornada chea de significado, participación e compromiso pola igualdade.
Unha das actividades máis especiais tivo lugar no patio, onde todo o alumnado se organizou para formar as figuras do número 8 e a letra M, creando unha imaxe conxunta moi simbólica. Cada neno e nena sostiña un abanico de cor morada, representando así a cor que conmemora esta data e mostrando, entre todos e todas, unha mensaxe de unión e respecto.
Ademais, levamos a cabo a elaboración dun mural colaborativo que quedou exposto no corredor do centro. Baixo o lema “Este 8M deixamos pegada”, todo o alumnado participou deixando a pegada das súas mans en cor morada e escribindo o seu nome, simbolizando que cada pequeno xesto conta e que xunt@s podemos deixar unha marca importante na construción dunha sociedade máis igualitaria.
Nas aulas tamén se traballou con diferentes textos que abordan a discriminación das mulleres que aínda existe hoxe en día en distintos ámbitos, facendo especial fincapé na situación de moitas mulleres en países non democráticos. Estas actividades permitiron reflexionar, dialogar e tomar conciencia da importancia de seguir loitando polos dereitos e a igualdade real.
Foi, sen dúbida, unha xornada moi enriquecedora na que reflexionamos, compartimos e aprendemos a importancia de seguir avanzando cara a igualdade pois temos que seguir dando pasos.
luns
RADIOFRANZA: VISITA DAS XOGADORAS DO BAXI (FERROL)
Se queredes escoitar a entravista clicade na imaxe
.png)
Subscribirse a:
Publicacións (Atom)