OUTRO ESPAZO NATURAL DA PROVINCIA

Outra vez a profe Bego tráenos unha proposta para aprender sobre un espazo natural moi coñecido da nosa provincia, que coma no anterior promove unha aprendizaxe utilizando a búsqueda de información e novas tarefas.

Bravo!

GENIALLY SOBRE ESPAZOS NATURAIS PRÓXIMOS

A profe Bego elaborou este Genially para aprender e traballar sobre un espazo natural próximo ao centro. Outra maneira máis de apender "xogando" e que promove a búsqueda de información por parte do alumnado para ser quen de resolvelo.

Tamén propón outras tarefas (xa fóra da plataforma) para completar a aprendizaxe.

BARALLA DE REFRÁNS POLAS LETRAS GALEGAS 2024

 Como os xogos de cartas que elaboramos polo Día de Rosalía e polo Día da Poesía teñen moito éxito, ocurríusenos facer outras polo Día das Letras Galegas.

Pero nesta ocasión en lugar de facer unha escolma poética, decidimos que fose o alumnado quen trouxese refráns galegos da casa e con eles elaborar a nova baralla.

Aínda está no forno, pero aquí podedes ver como vai quedar.

KAHOOTs ELABORADOS POLO PROFESORADO

 O profesorado do centro tamén estudia e aprende cousas novas que leva á aula da mellor das formas posibles e cando así lle parece axeitado.

Kahoot é un servizo web que permite crear xogos de preguntas (normalmente tipo tests) ao que a través dun código que se introduce na tablet únense os xogadores convocados.Deben ir respondendo ás preguntas dentro do tempo estipulado e o resultado do "concurso" aparece nun gráfico de barras coa puntuación de cada quen.

É moi ameno, rápido e divertido e moi eficaz para comprobar o grado de adquisición de conceptos dun tema. 

Ao longo deste curso elaboráronse diferentes Kahoots para repasar e/ou avaliar diferentes temas traballados nas aulas. 

Se clicades nas imaxes iredes ao Kahoot correspondente.

Marina, 1º e 2º EP

Begoña, 3º e 4º E. Primaria

Marina, 1º e 2º E. Primaria

Pablo, 5º e 6º de E. Primaria

Pablo, 5º e 6º de E. Primaria

Pablo 5º e 6º E. Primaria

ALEJANDRA. OUTRA NAI QUE CONTA.

A nai de Daniela e de Valeria, Alejandra,  tamén se animou a isto de vir á escola para contarnos un conto.

Ela preferiu contarllo ao alumnado das clases das súas fillas e que a biblioteca propuxese o conto.

Suxerímoslle "Así es mi corazón" escrito por Jo Witek e ilustrado por Christine Roussey que explica counha linguaxe sinxela e apoiado polas magníficas ilustración moitos dos sentimentos que nos afectan a cotío.

Alejandra asegurou que foi Valeria a que lle insitiu moito para que viñese a contar un conto, e a experiencia debeu ser gratificante, xa que cando marchou dixo que podiamos contar con ela cando queixéramos.

MOITAS GRAZAS!

Non vos perdades o vídeo que hai sorpresa!

LIMPAMOS A PRAIA DA BESTARRUZA E APRENDEMOS SOBRE OS OCÉANOS

 

A nosa ANPA, xunto con outras do concello e con diferentes entidades de Mugardos organizou esta actividade que tanto nos gustou.

Concienciar ao alumnado, profesorado e familias do grave problema medioambiental que supoñe a contaminación dos mares, ofertar actividades coas que poidamos contribuír a diminuíla e amosar outras iniciativas para limpar os océanos tanto na superficie como nos fondos mariños considerámolo fundamental e moi a propósito do noso Proxecto anual "COIDADIÑO: XENTE MEDRANDO".

Na páxina web do Club do Mar de Mugardos tedes máis información e enlaces ás diferentes entidades organizadoras e colaboradoras.

No cole recibimos a visita dun biólogo que traballa en ARDENTIA, que coñece ben os problemas derivados deste tipo de contaminación, e así llelo explicou ao alumnado. Tamén  lles explicou cales son os traballos que a empresa realiza no mar, apoiándose dunha serie de vídeos e diapositivas que tiña preparadas.

O día 24 de maio foi a cita. Un autobús levounos ata o peirao de Mugardos onde a organización repartiu luvas axeitadas para a recollida de residuos. Alí deixamos as mochilas e camiñamos ata a praia da Bestarruza que sería a zono onde traballamos.

O alumnado viña preparado con calzado axeitado e cubos para a recollida do lixo. Traballamos duro e sorprendímonos da diversidade de lixo plástico que atopamos, se ben é certo que pensamos que habería máis.

Co traballo feito cambiámonos de calzado e volvimos ao peirao, onde a organización repartía froita e auga para a merenda. Despois do descanso e de repoñer forzas, voltamos ao cole no autobús proporcionado pola organización.

Unha moi boa xornada, na que ademais nos acompañou o bo tempo, na que colaboramos a coidar os nosos hábitats mariños e intermareais.

PAIS E NAIS QUE CONTAN

 Un curso máis puxemos a andar esta actividade que tanto nos gusta.

Enviamos unha circular ás familias animándoas a vir ao cole para contar un conto.

Podían escoller día, conto (ou se querían algunha recomendación da biblioteca) e cómo e a quen contalo.

A verdade é que non tivemos moitas ofertas porque o horario escolar non facilita que nos visiten pais e nais que traballan, por iso agradecemos moitísimo a todas aquelas nais (porque son todas nais) e a unha tía que se animasen a participar nesta actividade.

A primeira foi a nai de Luís, que se atreveu a contar un conto a todo o cole.

O libro escollido foi "Daniela Pirata" , un conto do que Luís namorou cando o contamos na escola e pediuno na casa ata que llo mercaron. Foi escrito por SUSANNA ISERN e ilustrado por GÓMEZ .

Os piratas do Caimán Negro non queren nenas no seu barco... Que pasará cando chegue Daniela?

Mirade o vídeo que lle fixemos.

LETRAS GALEGAS 2024

 Foron varias as activdades que levamos a cabo polo Día das Letras Galegas 2024.

Nas aulas traballaron con diversos materiais proporcionados polo Seminario Galán  e por Primavera das letras . Textos, xogos, actividades en papel... serviron de canle para traballar co alumnado tanto a figura da homenaxeada deste ano, Luísa Villalta,  como a importancia desta data para a nosa lingua.

Tamén se realizaron xogos de pistas a partir dos carteis das letras que envía aos centros a Consellería e que permanecen enmarcados nos corredores.

Para o xoves día 16 preparamos unha ximcana de 5 actividades diferentes e rotatorias a realizar en grupos mixtos (combinando alumnado de todas as aulas).

As 5 estacións foron:

- Obradoiro de arte. Debuxar e pintar a Luísa Villalta, con deiferentes modelos e técnicas segundo a idade do alumnado.

- Elaborar conxuntamente o cartafol despregable que oferce o Seminario Galán nos seus recursos en papel, repartindo tarefas acordes á idade de cada nena e neno de cada grupo (colorear, recortar, pegar..).

-Xogo de descifrar mensaxes segredos usando o "Cambialetras" de elaboración propia segundo a clave dada e para os máis pequenos outros máis sinxelos do Seminario Galán.

- Xogo de memoria, con cartas editadas por nós para tal ocasión, con apoio de cores para que poidan xogar os que aíndo non len.

Xogo de rasca e gaña, que resolverían despois de ter escoitado o vídeo sobre a súa biografía do CEIP. Chans de Bembrive . 

Aquí tedes os recursos que utilizamos:

VÍDEO SOBRE A BIOGRAFÍA 

FICHAS DAS PROPOSTAS DO SEMINARIO GALÁN PARA @S MÁIS PEQUEN@S NA ACTIVIDADE DE DESCIFRAR MENSAXES SEGREDOS.

TEXTOS PARA DESCIFRAR

XOGO DE MEMORIA

   

RASCA E GAÑA

 

CARTAFOL DESPREGABLE

Clicade na imaxe para acceder ao PDF

IMAXES UTILIZADAS PARA O OBRADOIRO DE ARTE

Imaxe do libro "Luísa Villalta. Melodía de palabras", de María Canosa da Editorial Xerais.

Ilustración de Carlos Álvarex Taboada, de "Polo correo do vento"

E así foi a xornada, mirade o vídeo!

RECREOS NA BIBLIO

 Durante os recreos as nenas e nenos do cole poden ir á biblioteca libremente.

Hay servizo de préstamos e devolucións a cargo do alumnado de 5º e 6º e poden usar os fondos e os materiais que lles apeteza (cumprindo as normas, evidentemente).

E así suceden cousas marabillosas. Momentos de compartir xogos, retos, creacións, lecturas.... Momentos de estreitar lazos de amizade. Momentos de paz, tranquilidade, risa, entusiasmo, descubrimento...E todo iso grazas á biblio, espazo especial e seña de identidade do cole.

As bibliotecas, tesouros dos centros!

CHARLA SOBRE MASCOTAS E ENTORNOS LIMPOS

Uxía (exalumna do centro) e María visitáronnos para concienciar ao alumnado sobre a importancia de coidar axeitadamente as nosas mascotas e manter limpos os entornos nos que interaccionan.

Na charla descubrimos que o noso alumnado posúe un elevado número de mascotas diferentes. Estaban encantad@s contándolle ás monitoras da charla cantas mascotas tiñan e cales eran.

Case tod@s tiñan can, e tamén descubrimos que xa estaban moi ben instruíd@s sobre o procedemento da recollida das súas cacas e aseguraron que así o facían.

Tamén coñecían a necesidades que sobre pasreos requerían aqueles cans que non poden disfrutar de finca onde correr e xogar ao seu antoxo.

Por último repartiron uns folletos e uns carteis que elas mesmas deseñaron e despedíronse do alumnado e de maneira especial de aqueles que xa coñecían (ambalasdúas son do Concello).

E nós, encantad@s de recibilas!

.

CELEBRAMOS OS MAIOS

 Esta é unha festa grande no noso cole dende hai anos, e este curso tivemos a grande sorte de que o tempo nos acompañase o puidémola celebrar na Regueira, onde resulta moito mellor.

Previamente á celebración preparámola como é debido.

Cada clase escribiu as súas Coplas dos Maios seguindo a tradición de Outrense, ás que nós lle intercalamos un pequeno retrouso que nos permite enlazar mellor unhas con outras. Tamén ensaiamos a súa interpretación.

Traballaron asimesmo sobre a orixe e significado desta festa, así como as súas tradicións e a súa historia.

Nas clases de música cada clase preparou a súa intervención na danza colectiva, elaborando a súa coreografía utilizando paus, arcos ou cintas. A música escollida foi (como en anos anteriores) a Muiñeira de Chantada, porque para nós é a mais bonita de todas as que coñecemos.

Así que como vedes detrás da festa hai moito traballo previo.

Temos a sorte de poder contar coa Asociación Cultural Apelón do concello de Mugardos que elabora os maios para adornar, aporta parte da merenda e tráenos ao Grupo de gaitas Trouleada que ameniza o percorrido, o traballo e fai posible que bailemos con música en directo.

Pasámolo xenial e foi un día redondo. 

COMO FOI O DO QUIXOTE?

Na entrada do cole, e nas casas das nenas e nenos, hai unha fotos moi, moi, moi especiais, que mesmo parecen "maxia".

Nelas vense a nenas e nenos moi pequeniños subidos ás estanterías da biblio ao lado dos libros que sobre O Quixote  tratan e xunto aos personaxes e escenas da obra de Cervantes recortados en cartolina.

as fotos que puxemos son de tamaños moi diferentes e mesmo hai unha tamaño mural.

Que cómo o fixemos?

Mirade o vídeo e o saberedes!

ILUSIÓNS ÓPTICAS E PERSPECTIVA INVERSA.

 Lema do Proxecto anual: "Coidadiño: xente medrando!" Traballamos os hábitos saudables.

Dentro do proxecto (entre outras cousas) exploramos o sentido da vista, sobre todo cando "nos engana":

COMO?

1º.- Experimentos na biblioteca no mes da Ciencia en Galego.

2º.- De 2D a 3D, Arte. Con pezas de xogo e outras feitas por nós. Observamos dende todos os puntos de vista. Aprendemos a mirar.

3º.- Aprendemos sobre os Planos e a Inclinación da Cámara cando gravamos vídeos ou sacamos fotos.

4º.- Elaboramos Ilusións Ópticas e "maquetas" de Perspectiva inversa.

Mirade este último traballo.

EL PATITO BELLO

 Ángela, de 3º, recoméndanos a lectura deste libro "El Patito Bello" , da colección "Había otra vez" da Editorial Everest escrito por Yanitzia Canetti, escritora cubana radicada en Boston.

É unha colección que gusta moito no cole, xa que lle dá unha volta aos títulos clásicos, contando unha historia diferente e ademais en verso.

A BRUXA REGAÑADENTES

 Melissa recoméndanos este libro tan coñecido por todas e todos os pequenos do cole. A que sí?

A bruxa regañadentes, é un álbum ilustrado da editorial OQO escrito por Tina Meroto e ilustrado por Maurizio Quarello que fai as ledicias d@s máis pequen@s e d@s non tan pequen@s.

Tres irmáns, desatendendo as advertencias da nai, intérnanse nun bosque escuro e misterioso, onde calquera cousa pode suceder....

Ademais neste conto o heroe é o máis pequeno dos tres irmáns, cousa que nos soe gustar moito!