ECOXOGOS

 Ao longo deste curso en 3º e 4º de Primaria traballaron contidos referidos á reciclaxe, ao coidado do medio ambiente e a ecoloxía. 

Como un dos productos de aprendizaxe elaborados  fixeron uns xogos para seguir a  aprender e divertirse ao mesmo tempo. En grupos acordaron as regras do xogo e o deseño. Elaboraron os taboleiros de xogo e escribiron no ordenador as normas. 

E non só fixeron iso, senon que a maiores, con todo o que argallaran, crearon un xogo en Genially, para que tod@s poidades xogar.

Se clicades na imaxe poderedes xogar! Animádevos!

Mirade como foi o proceso e o resultado en papel!

AS LETRAS GALEGAS . MÁIS ACTIVIDADES!

 O 18 de maio, en conmemoración do Día das letras Galegas, as nenas e nenos  de 5º e 6º , e a través da plataforma Google Meets, conectáronse co alumnado de 6º do CEIP. Unión Mugardesa para participar de xeito conxunto nun Kahoot sobre Francisco Fernández del Riego, autor homenaxeado neste ano 2023.

O noso alumnado de 6º e o da Unión Mugardesa serán compañeiros o curso que vén no IES de Mugardos, así que (aínda que algúns e algunhas xa se coñecen) pareceunos unha idea estupenda de ir coñecéndose, e nada mellor que a través do xogo.

Previamente traballaran na aula sobre a figura homenaxeada este ano 2023 a través do material proporcionado polo Seminario Galán, tanto coa información escrita coma nos xogos on-line  propostos.

Se queredes ver as preguntas do Kahoot clicade na foto!

Nos outros cursos de primaria traballaron asimesmo co material do Seminario Galán e en E. Infantil elaboraron estes chulísimos maraáxinas.

COLOCANDO TRAMPAS DE VELUTINAS

 A nosa conserxe, Nathany, traballou moito para elaborar trampas para as vespas velutinas con materiais que o alumnado e profesorado aportou ao centro. Converteuse nunha verdadeira experta no tema!!!

E é que a Policía Municipal, dentro da campaña municipal "Stop Velutinas", acompañaranos para colocar as trampas elaboradas no cole polos arredores do mesmo, para así contribuír a sensibilizar á poboación da necesidade de actuar contra esta plaga.

Aquí vos deixo un vídeo da actividade.

Ademais repartíronse trampas entre o alumnado que dispoñía de lugares axeitados para a súa colocación con instruccións para a elaboración do líquido axeitado que poñerlle.

En 15 días sairemos a revisar as que colocamos no cole e repoñerlles o líquido se fose preciso.

VELUTINAS. AÍNDA MÁIS

 Un día no cole apareceu este cartel.

E é que traballaron con pesentacións interactivas na plataforma Genially.

Organizáronse por equipos e cada un deles creou un Genially destinado a unha sección da comunidade educativa.

Xoana, Bruno, Nadya e Florinda encargáronse dun destinado ao profesorado e familias.

Iria, Teo e Yeray para E. Infantil.

Irene, Melissa e Óscar para 1º e 2º de Primaria.

Diego, Alejandro, Eneko e Diego sorprendéronos cun "scape room" terrorífico para 3º e 4º .

Chegado o día en que todos os traballos estaban rematados repartíronse polas aulas para poñelos a proba diante do público ao que ía destinado.

Aquí vos deixamos un enlace ao xogo (para ver se sodes quen de facelo con éxito) así como ás fotos da presentación nas aulas.

Para profes e familias.Clicade na foto para xogar

 

Para E. Infantil. Clicade na foto para xogar

 

Para 1º e 2º. Clicade na foto para xogar

 

Para 3º e 4º. Clicade na imaxe para xogar.

 

O GALEGO DÁ MOITO XOGO

Polo Día das Letras Galegas o alumnado de 5º e 6º de E. Primaria participou nunha actividade no IES de Mugardos,  acompañad@s do alumnado de 6º do CEIP. Unión Mugardesa, xunto co alumnado de 1º e 2º da ESO do IES Mugardos. 

@s participantes, dividid@s en grupos que procuraron mixturar a todo o alumnado, comezaron coa Carreira da Lingua na que obtiñan pistas para elaborar un cadro sobre Francisco Fernández del Riego. Logo os equipos participaron en distintos xogos.

Colaborou na organización o servizo municipal de deportes e o SNL da mancomunidade.

O pasado venres 19 de maio celebramos O galego dá moito xogo en Mugardos, cos primeiros cursos do IES e últimos cursos dos coles.

Pasámolo ben e gañamos moitas estrelas azuis por usarmos a lingua galega. Algún grupo cun mural moi creativo tamén gañou algúns exemplares de banda deseñada. E todas as persoas participantes unha bolsa co lema O galego dá moito xogo!

Extraído do blog do SNL da comunidade

Aquí vos deixamos un vídeo que fixeron 

E aquí tedes unha presentación das fotos que da xornada fixemos no cole.

AFIANZAMOS O APRENDIDO SOBRE A HORTA

 Para afianzar os contidos aprendidos coa actividade do Horto Escolar, en 1º e 2º de Primaria xogaron un Kahoot que preparou a súa profe Marina.

Así dá gusto aprender!

FESTA DOS MAIOS

 Como cada ano a AsociaciónCultural Apelón, en colaboración co Concello, facilitounos a Festa dos Maios.

Eles trouxeron 2 maios, un máis pequeno que o outro, o grupo de gaitas "Trouleada" así como froita e auga para o alumnado.

Nós puxemos as flores, coas que adornamos ámbolos dous maios, a copla do maio (que cantamos entre tod@s) e a danza (usando paus, arcos e cintas). 

O alumnado de 5º e 6º montou unha tendiña dos maios.

Para iso elaboraron unhas macetas con material de refugallo e plantaron esquexes para vender a plantiña completa. Tamén trouxeron doces elaborados nas súas casas e bocadillos que prepararon no cole con axuda das profes.

Nesta primeira presentación fotográfica tedes a parte de adornar os maios.

Diseño de biblioteca franza 

 Aquí vos deixamos a parte da tenda e a merenda:

Diseño de biblioteca franza

E aquí  a danza.

SEMENTAMOS!!!

 Chegou a hora de sementar.

Coa información adquirida, coas sementes preparadas e plantones nacidos nos semilleiros, só faltaba poñerse a traballar.

E así o fixemos!

SEGUIMOS COAS VELUTINAS

 En 6º, despois de traballar coa exposición das vespas velutinas, aínda quedaban preguntas sen resolver.

Así, que cada un/unha , de xeito individual, escolleron a que pregunta querían dar resposta e elaboraron un Power Point sobre cada un dos aspectos sobre os que querían coñecer máis.

Par que os poidades ver sen problemas xuntámolos todos nun só documento que teredes a continuación.

Neste traballo, ademais de traballar axeitadamente coa información utilizamos unha nova ferramenta que aínda non utilizaran para a exposición de traballos.

Tamén se encuadra na asignatura de Lingua Galega, xa que foi na nosa lingua na que lles pedimos a información.

Un traballo completo e satisfactorio.

 

RECOMENDAMOS LECTURAS

 O pasado 27 de abril o alumnado de 5º e 6º de Educación Primaria e o alumnado de 5º de Primaria do CEIP. Unión Mugardesa intercambiaron recomendacións literarias con motivo do mes dos libros por medio de videoconferencias coa plataforma Google Meets..

En pequenos grupos presentábanse e facían unha recomendación sobre un libro que previamente escolleran dos fondos da biblioteca e traballaran no seu do grupo para redactar unha axeitada exposición dos motivos polo que o recomendaban.

Foi unha experiencia moi agradable e satisfactoria para tod@s e prometen repetila!

APRENDEMOS A BEN COMER

 Nun "Planeta sostible, necesario e posible" tamén ten moita importancia a maneira de alimentarse.

Coñecer os preceptos dunha dieta saudable, que evita o consumo de alimentos ultraprocesados, que aposta por productos frescos e de tempada, que é equilibrada na inxesta de hidratos de carbono, proteínas e graxas, é fundamental para a nosa saúde e a do planeta.

Recibimos así un obradoiro sobre Nutrición e hixiene a cargo dunha nutricionista e unha enfermeira dos Servizos de Saúde do concello de Fene, quen tamén nos falaron sa importancia dunha boa hixiene bucodental.

A primeira parte da visita consisitiu nunha charla para todo o alumnado de E. Primaria e unha segunda parte con dúas actividades. Así, mentres a mitade do alumnado realizaba a actividade de exterior o resto realizaba a de interior e viceversa.

Aquí tedes as imaxes da charla.

Na actividade de interior pasatempos divertidos afianzaban o aprendido na presentación.

E na de exterior cada nen@ debía coller un alimento (plástico) dunha bolsa e gardalo nun dos tres cestos  diferenciados por cores do semáforo ao outro lado da pista. No cesto verde os alimentos de inxesta diaria, en amarelo os de inxesta semanal e en vermello os alimentos que é preferible evitar ou consumir só de maneira ocasional.

Había que atravesar media pista correndo e a outra media á pata coxa, e volver correndo para unha nova carreira.

Ao final, cando todos os alimentos da bolsa estivesen nos cestos comprobábase o resultado e correxíanse os erros se é que os houbese.

CARTEL PROPIO POLO DÍA DO LIBRO

 Esta marabilla de traballo foi elaborado polo alumnado de 3º e 4º nas clases de plástico con motivo do Día do Libro. Porque son moi sabi@s e coñecen de primaira man a maxia dos libros.

Fantástico chic@s! 

DÍA DO LIBRO

 Hoxe, 23 de abril é o Día Mundial do libro e desde a Consellería de Cultura, Educación, Formación profesional e Universidades  editouse o cartel para conmemorar este día.

Montse Penas Presas, profesora de Lingua e Literatura na Universidade de Santiago grande experta da Literatura Infantil e Xuvenil actual, sobre todo na que se escribe en galego e baixo unha perspectiva de xénro, foi quen xenerosamente cedeu este texto ás Bibliotecas escolares de Galicia para conmemorar este día.

É un texto adicado ás mediadoras e mediadores no mundo dos libros. Esas persoas que achegan, amosan, recoemndan, suxiren, facilitan.... a lectura a otr@s.

Se clicades na imaxe accederedes ao cartel en PDF e poderedes lelo con máis facilidade

 E se tedes interese no texto completo e non só a sección que aparece no cartel, clicade na seguinte imaxe e o poderedes disfrutar.

DAR DE LER

O MÁIS FERMOSO DA ESCOLA

 Moitas veces na escola ocurren cousas que non estaban previstas, e adaptarnos a elas é o noso traballo diario.

Algunhas veces, bastantes diría eu, entorpecen en certa maneira o que se ten proxectado facer. Non pasa nada (case nunca) porque iso é a escola. Viva, cambiante e moitas veces impredecible. É tarefa do profesorado conseguir converter estas situacións nun feito positivo no proceso ensino-aprendizaxe.

Pero ás veces estes imprevistos parecen "caídos do ceo". Acaen tan ben co que se está a facer na escola e supoñen para toda a comunidade educativa unha situación de aprendizaxe única e moi motivadora que nos sentimos moi agradecid@s porque nos tivese pasado.

Iso foi o que sucedeu en abril deste curso e supuxo unha "revolución" marabillosa que nos fixo traballar e aprender unha chea de cousas que non tiñamos planificadas. E tan estupendas que non as podiamos deixar pasar.

Mirade esta presentación con calma, e disfrutade dela!

E aquí tedes a información que se puxo no taboleiro.

Ademais de coas lupas binoculares tamén experimentamos cos "microscopios de pinza para móvil e/ou tablets"  e conseguimos algunhas fotos.

Así son os nosos "microscopios".