RECOMENDACIÓNS DE LECTURA PARA O VERÁN

Sempre vos damos en papel (ademais de poñelas no blog) as nosas recomendacións de lecturas para o verán.
Este ano non vai poder ser así por cuestións de hixiene e precaución ante a enfermidade do Covid-19.


Así que tan só as deixaremos aquí e por iso modificamos un pouquiño o formato que sempre utilizabamos.
Agardamos que sexan do voso agrado e que vos animedes por algún título dos suxeridos.

REVOLUTION. CICLO DA AUGA EN "POP-UP" E "STOP-MOTION

Atopei isto polas redes e non puiden máis que compartilo aquí con vós.
Trátase dunhu obra da fotógrafa Chris Turner, da enxeñeira en papel Helen Friel, xunto coa animadora Jess Deacon (directora, enxeñeira de papel e animadora de Stop-Motion).
Esta curtametraxe 'Revolution' gañou o PDN Photo Annual Award for Animation e foi seleccionada oficialmente para varios festivais internacionais de animación / cine.

Animación - Jess Deacon, Helen Friel
Enxeñería de papel - Helen Friel, Jess Deacon
Directora de fotografía - Chris Turner
Postproducción - Neil Cunningham
Sound & Music - Joe Shetcliffe

PLÁSTICUS MARÍTIMUS UNHA ESPECIE INVASORA. DÍA DOS OCÉANOS

A editorial Kalandraka vén de publicar un marabilloso libro que tan só co título espertou a miña curiosidade. "PLÁSTICUS MARÍTIMUS, UNHA ESPECIE INVASORA".
Xa sabedes que no cole este ano traballamos por chegar a "PLÁTICO 0" nas merendas grazas á iniciativa das nenaas e nenos de 4º.

Xa hai anos que se vou á praia cando aínda non empezou a tempada  e aínda non a limparon, a cantidade de plástico que vexo cáusame arrepíos.

Este verán, despois dun temporal, a praia á que vou encheuse de algas que cubriron a area en montóns de máis de medio metro de altura. Isto non é o sorprendente (pasa ás veces dende que eu era nena) o sorprendente foi a cantidade de plástico que coas algas chegaba á praia. Así que durante moitos días baixaba cunha bolsa onde recollía o plástico e o levaba ao contenedor varias veces nunha tarde. E máis xente coma min tamén o facía e sempre, sempre  recollías plástico.

Tamén lin moitas noticias onde constataban que os "microplásticos" son inxeridos por peixes e outros seres mariños que poden chegar a morrer pola inxesta e que está comprobado que parte do plástico inxerido por eles inxerímolo nós cando nos alimentamos deles.

Cómpre pois concienciarse da importancia de reducir ao máximo o uso e consumo de plástico se queremos conservar os océanos. E máis os valerá facelo pois son de vital importancia para a vida no planeta.

E agora falemos do libro.

Se clicas na imaxe da súa portada irás á páxina de Kalandraka

Cada hora que pasa, mil toneladas de plástico van dar aos océanos. O equivalente a un camión cheo de plástico por minuto! Porque é artificial, invasora, contaminante e ten unha vida moi longa, esta 'especie' merece ter os días contados.

Queredes ver o "Book Trailer"? Clicade na imaxe 

Busquei entón ás autoras na rede, porque se trata dun libro editado primeiro en Portugal e quería coñecer algo máis.
 Atopei un Facebook co mesmo título que o libro e así souben que Pláticus marítimus é un proxecto persoal  (de Ana Pêgo )que ten como obxectivo informar e educar sobre o grave problema do plástico nos océanos.

Como parte dese proxecto naceu este libro, pero o seu proxecto abarca moito máis.
Crea arte co plástico que a autora recolle nas praias, imparte obradoiros, charlas, crea oficinas de verán con rapazas e rapaces que crean tamén arte cos plásticos e mesmo fan música con eles!!

Nós tamén na clase de Música e mesmo creamos arte con tapóns!

Feito con tapóns e "Clip It" na biblio

Se vivira en Portugal achegaríame a un deses obradoiros sen dubidalo.


Clicade no emblema do seu Facebook para acceder e poder disfrutar da súa arte.

Sen dúbida estará na nosa biblio!!!

E este libro vén moi a conto da celebración do Día Mundial dos océanos.

Queredes saber máis? Pois seguide lendo:

En 2008 a Asamblea Xeral das Nacións Unidas, por iniciativa de Canadá, acordou que a partir do 2009 o 8 de xuño sería o Día Mundial dos Océanos. 

Os océanos aliméntannos, regulan o noso clima e xeran a maior parte do osíxeno que respiramos e absorven o 30% do dióxido de carbono que emitimos amortiguando así o quentamento global. Pero a pesares da súa importancia, os océanos enfróntanse a ameazas sen precedentes como resultado da actividade humana. (Textos extraídos e refundidos da páxina  https://www.un.org/es/observances/oceans-day)

Sabíades que organismos descubertos a profundidades extremas están a ser utilizados para acelerar a detección do COVID-19?
Sabíades que este ecosistema (o dos Océanos) podería dar unha solución á humanidade?

Se clicas na imaxe poderás acceder a esta información e moita máis sobre o tema.

AVENTURA MATEMÁTICA.

A profe Vanesa elaborou este magnífico xogo para o seu alumnado de 6º.

Pulpi volveu desaparecer!!! E vós podedes liberalo de novo. Para iso só tedes que iniciar esta grande aventura e chegar ao final. Se tedes erros sempre podedes correxilos. Seguide as pistas porfi!!
 Pulpi non nos pode faltar!!

Animádevos en familia (axudándovos coas respostas que non saibades). Podedes deixar os vosos comentarios no blog se é que vos apetece.

É moi divertido e instructivo (iso quere dicir que se aprende moito) porque ademais de practicar coas mates iredes aprendendo moitas cousas de diferentes lugares do mundo.

EMPEZADE ESTA AVENTURA!!!

LETRAS GALEGAS. RECITADO DE POEMAS

As nenas e nenos de 6º, orientados pola profe Vanesa, graváronse recitando poemas de Carvalho Calero. A profe fixo a montaxe dos vídeos e este foi o resultado final.

Fixérono moi ben!!!

Grazas nen@s!! Grazas profe!!!

FICAMOS NA CASA CON LEANDRO LAMAS

Proposta de traballo para facer na casa durante o confinamento.

Utilizando a iniciativa de Leandro Lamas en redes sociais propuxemos a elaboración dun debuxo seguindo as pautas facilitadas polo ilustrador.

Clica na imaxe e poderás ler o artigo que eldiario.es publicou dobre esta iniciativa. E non foi o único xornal en facelo.

A proposta foi colgada na páxina web do cole onde a podedes ver. En todo caso tamén a deixamos por aquí para facilitaros a tarefa de búsqueda:

Leandro Lamas pintará moi pronto un mural no noso cole co tema da igualdade. Así que pronto poderedes ver cada día o seu traballo.


Con todos os traballos que non chegaron fixemos esta presentación, que tamén será impresa e formará parte dos fondos da biblioteca de creación propia.
Este foi o resultado:

Así O Fixemos Nós

Leer más publicaciones en Calaméo

BO TRABALLO ARTISTAS!!!!

XX CERTAME DE POESÍA E IMAXE

Un ano máis animámonos a participar no "Certame de Poesía e Imaxe" organizado polo Concello de Ferrol en colaboración coa Coordenadora de Equipas de Normalización Lingüística de Ferrol.


Como cada ano propoñen unha seleción de poemas que servirán como inspiración para creacións plásticas.

As bases do concurso podedes velas clicando na imaxe:

Por causa da pandemia o Certame quedou suspendido, xa que implica unha exposición pública dos traballos presentados e un acto de entrega de premios.

Agardabamos estes acontecementos para escribir esta entrada, pero decidimos que como non hai data aínda pois que podiamos ir disfrutando da arte destas nenas e nenos.

Estes son algúns exemplos das diferentes creacións plásticas do noso alumnado de 6º.

Agardamos que vos gusten

FACEMOS UNHA MARIONETA?

BIBLIOTECAS ESCOLARES ABERTAS

Esta proposta foi colgada na páxina web do cole porque é a que nestes momentos de pandemia tod@s visitades e agora xa está aquí tamén, no seu sitio.

Animádevos e veredes como con materiais que tod@s tedes por casa, podedes elaborar cousas ben bonitas e divertidas.

Mandádenos as vosas fotos ou pequenos vídeos a un dos seguintes enderezos

ceip.santiago.apostolo@edu.xunta.gal

bibliofranza@gmail.com

DÁNDOLLE Á LINGUA. COA HORTA NO TABOLEIRO

Documento que recolle as difierentes actividades e xogos coa lingua que se propuxeron dende os diferentes cursos.
Actividade divertida, colectiva, que tende pontes e derruba muros.
ESCOLA
Poñédeo en tamaño grande!!!

Actividades Taboleiro

Leer más publicaciones en Calaméo

AS PITAS BAIXO A CHOIVA NA MESA DE LUZ

Fedellando en Internet atopei esta marabilla no Faceboock do Concello do Rosal.

Acompáñao este texto:

Marcos Escudero Escultor sorpréndenos neste #DíadasLetrasGalegas contándonos cos seus espectaculares debuxos de area 'As pitas baixo a chuvia', un conto de Ricardo Carvalho Calero. Unha historia narrada de xeito máxico e enfeitizante!

Clicade na imaxe para escoitar o conto e ver como Marcos Escudero vai debuxándoo con area na mesa de luz.
Simplemente maxistral!!

Practicade vós con area en papeis que no cole temos unha mesa de luz. Para o curso que vén a ver se hai algún/algunha artista!

Este é Marcos Escudero. No enlace de arriba accededes ao seu Faceboock e clicando na súa imaxe accederedes ao seu blog e podedes contemplar moitas das súas marabillosas obras.

MÁIS COUSAS DAS LETRAS GALEGAS

Aquí tedes uns xogos moi divertidos que fixo Alba Carril do CPI de Vedra.
Seguro que agora que xa escoitaches a  biografía de Carvalho Calero saberás xogar con éxito.
Necesitas un lápiz e un papel para ir anotando a clave que permitirá rematar o xogo.

Tipo de xogo: Escapa do cuarto (en inglés Scape room)

Hai dúas categorías.

                                        Aquí deixamos a máis sinxela (E. Infantil, 1º e 2º):

                                                     Esta xa é nivel experto:

Agradecer o traballo a Alba Carril e a súa xenerosidade en compartir.
Pasádeo ben.

DÍA DAS LETRAS GALEGAS 2020

Este ano, como sabedes, adícanse as Letras Galegas a Ricardo Carvalho Calero. Noutras entradas do blog vos contamos cousas sobre él.
Pero hoxe queremos deixarvos a narración do seu conto"As pitas baixo a choiva". Quen o le é a profe Carmen, que cun pequeno "truco" ten voz de home.
Esta historia conta unha anécdota vivida polo propio Carvalho Calero cando era pequeno, así que podedes imaxinar que vola está contando él mesmo.
Tedes este libro de Edicións Embora na nosa biblioteca.



 

BIOGRAFÍA DE RICARDO CARVALHO CALERO

O Seminario Galán  sempre edita moi bos materiais con motivo das Letras Galegas e moitas veces aproveitamos a súa presentación para lela en kamishibai na biblio.
Este ano, como así non pode ser, e para facilitar que a información que ofrecen chegue a tod@s vós, fixemos este vídeo coas imaxes e o texto da exposición.
Agardamos que vos guste e aprendades moito sobre Carvalho Calero, escritor da nosa zona.

Pensade que dende a Cabana e San Antón (onde ía no verán) e dende o porto de Ferrol (onde naceu) víase Mugardos.






Hoxe en día en Ferrol a súa casa natal está en ruínas, e lévase anos que se pide a súa restauración.

E na cidade hai un instituto que leva o seu nome, situado en Caranza, e un Centro Cultural na Praza do Inferniño. Este centro parece ser que vai ser modernizado.
Aquí vos deixo fotos .

                                                            I.E.S. Carvalho Calero

                                                          Centro Cultural

                                                           Visto dende o aire

                                                                  Proxecto de renovación

HAI UN SITIO PARA TI

Este ano ocurriúsenos facer unha canción que recollese como é o noso cole.
Queriamos reflectir o esencial da nosa/vosa escola para mostrala ao mundo e abrir as portas a quen quixese  vir aquí con nós.
Así que puxémonos mans a obra.
A primeira versión xa estaba rematada no mes de febreiro e xa a cantabamos xuntos antes de entrar na escola. Durante o entroido tamén a cantamos polas rúas da contorna.
E con isto chegou a pandemia e o aillamento.
As cancións que non se cantan corren o risco de morrer.
Sentiamos pena por non poder seguir a traballar na escola, en grupo, en familia. Traballar dende casa é lonxano e difícil para tod@s, alumn@s e profes.
Así que decidimos facer un vídeo con ela para agasallar á nosa comunidade educativa.
Decidimos variar un pouquiño a letra do retrouso e que cada profe enviase un vídeo cantándoo.
E despois de aprender a utilizar un pouquiño un novo programa de edición de vídeo (grazas a Manu Ramil) o resultado que conseguimos foi o que aquí deixo.
Estamos moi orgullosas(as profes) do resultado e emociónanos moito velo unha e outra vez.
Ao alumnado tamén lle gustou moito (iso dixeron).

Poñereino tamén no lateral do blog, para que non haxa que buscalo no medio das entradas.
Disfrutádeo!! E grazas a tod@s por facer desta escola un lugar tan especial!!

TODO O DÍA NA CASIÑA

A Secretaría Xeral de Política Lingüística promove este vídeoclip animado por Luz Beloso en que 8 voces femininas da música galega (as de Paty Lesta, Uxía, Guadi Galego, Rosa Cedrán, Carmen Rey, Mari Faltrí, Paula Romero e María Costa) e os músicos Cristian Leggiero, José Churruca e Hansel Luís se unen para interpretar unha nova peza composta por Magín Blanco co obxectivo de animar a xente miúda da casa nestes días de confinamento. Porque #aculturasegue e a lingua galega non para.
Atopámolo na páxina doe "O Portal da Lingua Galega", onde podes atopar moitos recursos interesabtes sobre a nosa lingua.

E como nos gustou moito, moito, queremos compartila con vós. Seguro que vos identificades coa protagonista da historia.

Aproveitamos para enviarvos moitos agarimos!!