O pasado 25 de novembro, o noso centro, uniuse ás actividades promovidas pola Fanpa Ferrolterra no marco do Día Internacional contra a Violencia de Xénero.
Este ano, a actividade centrouse na violencia exercida contra as mulleres na rúa, especialmente a través de comentarios non desexados e “piropos” que resultan ofensivos. Para visibilizar esta problemática, o alumnado participou na iniciativa “Chalk Back”, unha acción que invita a reflexionar e a expresarse.
O propio día, baixamos á nosa biblioteca a ver o vídeo-tutorial sobre a temática que se conmemoraba.
Pola nosa banda, toda a comunidade educativa escribimos na pista do cole frases reivindicativas contra o acoso.
Ningún comentario:
Publicar un comentario