XOGOS DE CARTAS DE ROSALÍA DE CASTRO

 Inspirad@s nun xogo de cartas sobre Manuel María( Apañasoños ) que nos agasallaron na xornada de formación do Proxecto Bibliotecas Creativas de Galicia, decidimos facer outro semellante con poemas de Rosalía ao que chamamos "Lía con Rosalía"

Fixemos unha escolma de poemas coa que editamos un dacerniño esencial para xogar e que incorpora as instrucións.

Deseñamos unha caricatura de Rosalía para non utilizar ningunha xa editada que estaría no reverso de cada unha das cartas de xogo, que tamén deseñamos.

Imprimimos o resultado e plastificamos a baralla para unha mellor conservación e facilidade de xogo.

E, por suposto, xogamos con elas nas diferentes aulas.

Se queredes xogar na casa non tedes máis que imprimir os documentos que vos deixamos a continuación e fabricaros a vosa propia baralla de Rosalía. Unha forma divertida de ler a súa poesía, traballar a rima e a comprensión lectora. Animádesvos?

CADERNIÑO:

BARALLA:

E como pensamos que para o alumnado de menor idade podía ser algo difícil xogar ben, deseñamos outro xogo de cartas. Esta vez escollimos o formato típico dos "Xogos de familias"

 Facer unha escolma de pequenos poemas, buscar imaxes alusivas libres de deritos, facer a montaxe , deseñar outra traseira da baralla "Familias de poemas", imprimir cortar e plastificar foron traballos que fixemos con ilusión.

Xogar con elas tamén gustou moito ao alumnado.

Se queredes telas na casa non tedes máis que descargalas aquí abaixo.

XOGO FAMILIAS