martes

POÉTICAS DIVERSAS: LEMA DAS BIBLIOTECAS ESCOLARES PARA ESTE CURSO

Como cada ano, a consellería de Educación propón un lema para as Bibliotecas Escolares.

Poéticas diversas na Biblioteca Escolar, porque tocaba reivindicar a poesía como algo presente en todas as cousas que nos rodean no mundo. A poesía contida en cada cousa e cada un dos saberes do mundo. A poesía do Universo (tema a tratar neste ano no cole), a poesía da xeometría, dos números, da ciencia, da paisexe, da historia, das diferentes artes.....
E do poder da poesía para asomarnos a cada cousa mirando dende outro lado, ou se cadra do mesmo lado que antes pero con outros ollos, Do pracer de recitala, lela, debuxala, ulila, paladeala. Do poder da rima e do ritmo e do poder da ausencia de rima.... Poesía e máis poesía sempre.

Encántanos o lema escollido este ano así coma o cartel que o publicita (de Nuria Díaz).


Imaxe extraída da páxina de Bibliotecas Escolares de Galicia.
Clica na mesma para saber máis do tema e da autora do cartel.

Ningún comentario:

Publicar un comentario