Visita do Elfo polo Nadal

 No primeiro ciclo de Educación Primaria, tivemos a visita do elfo (Chispas) polo mes de decembro.

Aquí vos deixamos unha presentación con todas as actividades, retos e trasnadas que o alumnado de 1º e 2º tivo que resolver.

UN ELFO de Moni

FESTA DE NADAL

 O 20 de decembro, celebramos no cole a nosa festa de Nadal. 

A mañá comezaba coa visita de papá Noel, despois merendamos chocolate con churros e por último fixemos o noso pequeno festival, tendo como público a nosas familias.

Unha mostra disto vese reflexada na seguinte presentación:

Festa de Nadal de Thais Amenedo

RECOMENDACIÓNS DE NADAL

 Un ano máis publicamos as nosas recomendacións de lectura (e xogo) para este Nadal.

Aínda que cada alumn@ as levou en papel, deixámolas aqupor se queredes compartilas con alguén ou extraviades o papel.

Recordade que un libro sempre é un dos mellores regalos , sexa cal secxa a época do ano ou a ocasión.

Xa sabedes que facemos unha coidada escolla, e recomendamos sabendo a calidade do seleccionado. "Libros tesouro", deses que nunca perden o seu valor e que a súa lectura traerenos sabiduría, paz e felicidade.

Agardamos que a nosa selección tamén sexa do voso agrado

O sistema Solar

 Os nen@s de cuarto de E.p fixeron uns traballos estupendos dalgúns planetas do Sistema Solar.

Buscamos información en distintos libros da biblioteca e intentamos responder a moitas preguntas e curiosidades.

Con toda esa información fixeron uns Lapbooks e expuxeron o traballo aos seus compañeir@s.

sistema solar de Begoña

25N: DÍA INTERNACIONAL CONTRA A VIOLENCIA DE XÉNERO

O pasado 25 de novembro, o noso centro, uniuse ás actividades promovidas pola Fanpa Ferrolterra no marco do Día Internacional contra a Violencia de Xénero. Este ano, a actividade centrouse na violencia exercida contra as mulleres na rúa, especialmente a través de comentarios non desexados e “piropos” que resultan ofensivos. Para visibilizar esta problemática, o alumnado participou na iniciativa “Chalk Back”, unha acción que invita a reflexionar e a expresarse.

 

O propio día, baixamos á nosa biblioteca a ver o vídeo-tutorial sobre a temática que se conmemoraba.

Clica nesta ligazón para ver o tutorial.

Pola nosa banda, toda a comunidade educativa escribimos na pista do cole frases reivindicativas contra o acoso.

DÍA MUNDIAL DA INFANCIA

O día 20 de novembro, celebramos o Día Mundial da Infancia. 

Dito día non é un día máis, senón que é a data na cal se celebra o momento no que os dirixentes mundiais comprometéronse cos nenos e nenas de todo o mundo e se aprobou a Convención sobre os Dereitos do nen@.

Para conmemorar este día, todos e todas elaboramos conxuntamente un mural representando a unión das nosas mans, para reivindicar os nosos dereitos como nen@s.

Rematamos a xornada recitamos o poema “Unidas as mans”, tamén representado no mural. 

Podedes ver unha mostra deste día na seguinte presentación:

VISITA DE PROFESORADO BELGA (ERASMUS+)

O pasado 14 de novembro, dentro do programa Erasmus +, recibimos a visita de profesorado procedente de Bélxica. O principal motivo da súa visita foi a observación nas nosas instalacións do traballo da competencia matemática.

Previamente a dita visita, traballamos na aula a búsqueda de información sobre o país visitante, Bélxica a través desta presentación. (clica na palabra Bélxica para ver a presentación).

Durante a xornada de visita cos mestres/ as, realizáronse diferentes actividades no centro:

Primeiro, na nosa biblioteca, co alumnado de quinto e sexto de Educación Primaria, distribuídos en diversos talleres de aprendizaxe e axudándose de material manipulativo; realizaron diferentes actividades competenciais en grupo:

1. Actividades de lóxico-matemáticas con pentominós.
2. Construción dun castelo con policubos para ver a diferencia entre perímerto, área e volume, atendendo ás tres dimensións.
3. Actividade de relación entre fracción, decimal e porcentaxe con liñas representadas no chan con cinta adhesiva.
4. Traballo de simetrías con espellos.
5. Creación de diferentes polígonos co Tangram.

Despois, asistiron á aula de primeiro e segundo de Educación Primaria na que compartiron unha actividade manipulativa de numeración e conteo: "os banqueiros". 

Unha mostra disto,  mostrámosvola a continuación.

 

    

                         

DÍA DO PEÓN

 Hoxe 11 de novembro celebramos no cole o Día do Peón con diferentes actividades.

Ademáis de bailar o peón, adornamos a nosa entrada e fixemos actividades nas aulas de búsqueda de información, vocabulario e ata aprendimos a canción "Buxaina brincadeira"  do Grupo Ledicia .

Aquí tendes a presentación sobre o Día do Peón que empregamos nas aulas

Día do peón de Thais Amenedo

E a continuación, ensinámosvos unhas fotiños deste día.

          

O MAGOSTO

 O 30 de outubro celebramos no cole a festa do Magosto. 

Para levar a cabo todo o acontecido neste día contamos coa colaboración da ANPA, que nos trouxo unha merenda de magosto riquísima: castañas asadas e bolos preñados. 

Despois desta espectacular merenda tivemos unha xornada de xogos populares e rematamos o día co baile de tradición popular:13 Lúas. 

Unha mostra do ben que o pasamos este día o reflectimos no seguinte presentación. 

O magosto de Thais Amenedo

SAMAÍN

 O 29 de outubro celebramos no cole a Festa de Samaín. 

Ao longo de toda a mañá tivemos unha morea de actividades moi terroríficas. Unha mostra de este día ensinámola no seguinte vídeo. 

DÍA DAS BIBLIOTECAS

 O 24 de outubro celebramos no cole "O día das Bibliotecas Escolares". Para dita celebración fixemos unha lectura na nosa biblio do conto "O incrible neno devorador de libros" escrito por Oliver Jeffers e como recordo dese día fixemos un marcapáxinas. 

E ti.... eres un devora libros?

PRIMEIRAS TAREFAS SOBRE O PROXECTO PARA OS DIFERENTES CURSOS

 Xa apareceron no taboleiro as primeiras terefas que o alumnado dos diferentes cursos terá que resolver sobre o proxecto anual.

Para ser quen de facelo con corrección deberán ler a información que se aporta sobre o tema.

Mirade qué chulas!

XOGOS SOBRE A AUGA

 Para iniciar o Proxecto anual idamos uns pasatempos sobre a temática da auga.

Qué mellor forma de comenzar!

Aquí vos dixamos unha copia dos mesmos por se queredes volver xogar.

XIMCANA DE INICIO DO PROXECTO ANUAL

 Un ano máis empezamos o curso cunha ximcana de probas por equipos que nos indican o tema a traballar durante este curso escolar.

Aquí vos deixamos información sobre a actividade.

Pasámolo bomba. Todas as probas foron divertidas e moi interesantes e o tema escollido gústanos moito!

Así que seguro que nos agarda un moi bo curso, cheo de experiencias e aprendizaxes!

PARA BEN LAVAR AS MANS

 O prometido é débeda!

Aquí tedes a peli tan cacareada ao longo de todo este curso e para a que tanto traballamos.

Grazas a todos e a todas (alumnado, profesorado, familias...) pola vosa implicación.

Agardo que vos guste tanto como a nós!

ESPAZO MAKER CON "ESPACIO VIVO"

 Un ano máis, grazas ao Proxecto Biblioteca Creativas, ao cal pertencemos, puidemos disfrutar destes obradoiros, diferenciados por idades e rotando entre todas as propostas. Tróuxonolas a empresa "Espacio Vivo", con moita experiencia na organización deste tipo de eventos (e doutros) e que sempre está á última nas novidades tecnolóxicas.

Torno, carpinteiría en cartón, construccións, robótica, mecanismos, drones, coches, gafas virtuais...

Pasámolo xenial e aprendimos un montón.

Foi un día xenial!

ENTREGA DE AGASALLOS POR PARTICIPAR NA ACTIVIDADE "UN CONTO NUN FRASCO"

 Dende o Día do Libro Infantil e Xuvenil andan os frascos polo cole. Nunha exposición permanente, debidamente numerados para poder realizar axeitadamente a actividade "Cantos contos acertarás?".

Ademais deu pé a que o alumnado que non coñecía determinados contos clásicos os ceñecese contados polo profesorado nas súas aulas.

Chegou a hora de que cadaquén levase o seu frasco para casa e pensamos que llelo debiamos agradecer cun pequeno agasallo.

Para isto deseñamos unha "chapiña" de Pulpi, imprimimos na impresora 3D as necesarias e entregámosllela dentro dunha bolsiña ben bonita e da cor de Pulpi.

TENIS

 O pasado mércores participamos nunha actividade deportiva no Club de Tenis de Redes á que asistiu o alumnado dende 1º ata 6º de Primaria.

Foi unha mágoa que o tempo non acompañase porque senón tamén iría o alumnado de E. Infantil.

Grazas que alí contan con dúas pistas cubertas e así poidemos disfrutar do xogo e o deporte.

Esperábannos varios monitores que se fixeron cargo de organizar quendas, prestar raquetas e pelotas e poñer a xogar a todas e todos.

TEnis e brilé, cunha paradiña para tomar a merenda.

Foi un día xenial e estamos moi agradecid@s desta invitación.

Clicade na foto para acceder a todas

AS NOSAS RECOMENDACIÓNS LECTORAS, XOGUETONAS, CANTARINAS E BAILONAS PARA O VERÁN

 Aínda que todos os días son bos para disfrutar dun libro, dun xogo ou da música, fixemos esta selección para que as vacacións de verán sexan aínda mellores e porque seguro que tedes moito máis tempo para disfrutar deles.

Trátase dunha selección pensada especialmente para vós, as nenas e os nenos do cole. Porque vos coñecemos e porque coñecemos o que recomendamos.

De seguro que non vos ides arrepentir de ter na casa os materiais que vos suxerimos, estamos segur@s de que os utilizaredes unha e outra vez durante moito, moito tempo.

FACEMOS CINE DE ANIMACIÓN

 En 3º e 4º, que foron @s cámaras da nosa peli "Para ben lavar as mans", traballaron tamén co cine de animación utilizando a tablet cunha app de "Stop Motion".

Para a primeira experiencia deseñamos un decorado de fondo con cartolinas, un caracol como personaxe principal e recortamos unhas nubes que tamén se moverían na escena.

Colocamos o set de gravación poñendo a tablet sobre un andel entre dúas mesas e a escena no chan e empezamos a traballar.

Pouco a pouco fomos observando os diferentes resultados segundo o movemento dos obxectos e buscando as opcións máis correctas.

Despois dunha breve gravación puxémonos a deseñar novos proxectos, pero esta vez para gravar en vertical e con volume.

Daba gusto ver traballar a estas rapazas e rapaces.

LUÍS, SAMIRA E AINHOA FIXERON UN CONTO

 Igual que fixeron Luna, Chloe e Emma o outro día, Luís, Samira e Ainhoa escribiron un conto.

Pero eles non o fixeron na escola e, como tampouco podían xuntarse nas súas casas, fixérono por teléfono. 

Así Luís comezou o conto e envioulle o principio a Samira, que seguiu o relato e por último recibiuno Ainhoa que o rematou.

E como fixeran un bo traballo, e de xeito totalmente voluntario, léronolo na biblio.

PARABÉNS !

CANTOS CONTOS ACERTAMOS

 En 3º e 4º tamén xogamos a acertar os contos dos frascos.

En parellas puxéronse a mirar, pensar e anotar. Cando todas e todos remataron intercambiaron as súas listaxes e comprobaron cantas respostas tiñan correctas.

As gañadoras indiscutibles foron Ángela e Noa que con 19 puntos sobre 28 sacáronlle 5 puntos de vantaxe aos segundos clasificados.

Pero o máis importante non foi gañar, senón pasalo ben, traballar en equipo e pensar nos contos que tod@s coñecemos como unha riqueza cultural que nos é propia.

MÁQUINAS SIMPLES E ELECTRICIDADE

 En 3º e 4º dedicamos dúas sesións a xogar e aprender (traballar sen darnos conta) sobre as máquinas simples (que está no temario de Ciencias de 3º) e a electricidade utilizando materiaias da biblioteca.

Trátase de dous xogos moi ben deseñados, cunhas instruccións moi clariñas, coas que aprender conceptos básicos sobre os circuitos eléctricos (que se van complicando a medida que avanzamos no caderniño do xogo) e sobre as pancas, os planos inclinados, as poleas...

Así de ben o pasamos aprendendo e xogando en grupo.

ASÍ SE FIXO A NOSA PELI

 Xa sabedes que un dos produtos finais do noso Proxecto Anual de Centro "Coidadiño: xente medrando!", que tratou sobre os hábitos saudables,  foi facer unha película coa colaboración de toda a comunidade educativa.

Esollimos a canción "Para ben lavar as mans" que Carmen sanmartín compuxo para as nenas e os nenos do cole cando nos incorporamos á escola tras a pandemia Covid. a letra explica que xestos hai que facer nun lavado de mans correcto e dura o tempo necesario para facer un bo lavado. Así que se alguén lava as mans cantando a canción seguro que o fai ben!.

Decidimos que o alumndo de E. Infantil e o de 1º e 2º serían as actrices e actores da peli. O alumnado de 3º e 4º cámaras e o alumnado de 5º e 6º montadores e montadoras de vídeo.

Iniciamos o traballo aprendendo aspectos fundamentais sobre o encuadre e os planos no cine, que son os mesmos que no cómic, así como sobre o guión gráfico. Deste traballo encargáronse en 3º e 4º e de transmitirllo ao resto de compañeiros e compañeiras do cole, mediante unha presentación.

SE CLICADES NA IMAXE VEREDES A ENTRADA DO BLOG ONDE SE RECOLLE O VÍDEO DA PRESENTACIÓN E OS DOCUMENTOS ELABORADOS

Tamén aprenderon a utilizar a cámara de vídeo.

SE CLICADES NA IMAXE ACCEDEREDES Á ENTRADA DO BLOG ONDE  O CONTAMOS

A banda sonora da película sería a canción interpretada por toda a comunidade educativa. Para iso, ademais de aprendela e practicala nas clases de música, proporcionouse un enlace ao blog onde estaba a música e a letra, e así poder practicala nas casas. Tamén se enviou unha nota as familias convidándoas a colaborar con nós.

Así que chegou o día de empezar a gravación, despois de ter repartido o traballo entre o alumnado.

E así foi.

Por último, e para dar tempo ás familias para aprender ben a canción, gravamos a banda sonora.

Primeiro ensaiamos nós:

E ao día seguinte gravamos con elas!

E por último pasámoslles os vídeos e o son (banda sonora) ao alumnado de 5º e 6º que se puxo mans á obra nisto da montaxe de vídeos, dirixidos polo profe Pablo.

Pasárono en grande e fixérono moi ben!

E o resultado final volo poñeremos noutra entrada parael soíño.

Xa veredes!

O CONTO DE CHLOE, EMMA E LUNA

 Estas tres nenas de 1º (Chloe e Emma) e 2º (Luna) inventaron un conto que escribiron e debuxaron entre as tres.

Trátase dun conto despregable, deses que cando o abres os seus debuxos teñen unha continuidade de páxina en páxina. Puxeron o texto por detrás e quedaron tan satisfeitas do resultado que pediron poder lelo na biblio.

Cando lles preguntamos a quen llo querían contar dixeron que a TODOS!. Así que nos reunimos na biblio para disfrutar deste máxico momento. Todo un luxo, a verdade.

PARABÉNS CHICAS! SEGUIDE ASÍ!

ESPERAMOS OUTROS MOITOS!

EXCURSIÓN DE FIN DE CURSO A ALDEA NOVA

 Marchamos de excursión, todo o cole, a "Aldea Nova" no concello de Narón, para disfrutar dunha xornada chea de xogos, obradoiros e convivencia.

Pasámolo en grande. Plantamos sementes, xogamos a xogos populares, construímos uns pequenos instrumentos musicais de cartón, aprendimos a menxar unha mesa de DJ, xogamos a ra....

E os momentos de comer son importantísimos para todas as nenas e todos os nenos!. Sempre están a preguntar canto tempo falta para facelo! Porque ademais de disfrutar das exquisiteces das mochilas falamos, xogamos, compartimos estes momentos cos compañeiros e compañeiras.

E tamén houbo tempo de xogo libre, para o que nos deixaron material.

XOGANDO COA HABITACIÓN DE AMES

 Como esta maqueta nos gusta tanto, decidimos que o alumnado de 3º e 4º, @s nos@s expert@s en vídeo, gravasen unhas escenas que idearon en pequenos grupos.

Como todo traballo foron necesarios varios intentos para que todo saíse ben, aprendendo dos erros cometidos. O segundo dos grupos xa non tivo os mesmos problemas xa que fora expectador do primeiro.

Así de ben o pasamos!

KAHOOT ELABORADO POLO ALUMNADO

 O alumnado de 6º creou este Kahoot xunto ao profe Pablo.

Para iso deberon propoñer preguntas axeitadas, varias respostas a cada unha delas (con só unha verdadeira, evidentemente) e decidir canto tempo permitían a cada pregunta.

Unha idea xenial xa que a implicación do alumnado foi total e ser quen de propoñer preguntas fundamentais do tema a traballar (neste caso a reprodución) implica ter un "esquema mental"do tema moi elaborado.

Bravo chic@s!!!

LECTURAS COMPARTIDAS DO TERCEIRO TRIMESTRE

 Xa sabedes desta actividade que realizamos durante a "Hora de ler" os martes e venres de cada semana.

Tróuxonos momentos moi especiais durante todo o curso.

Aquí tedes as do terceiro trimestre do curso coa participación estelar das nenas e nenos de 1º uqe se atreveron a ler diante dos maiores.

Parabéns a tod@s!

EXPERIMENTAMOS COS SENTIDOS. A HABITACIÓN DE AMES

Ao longo do curso tanto a Biblioteca Escolar, como Polos Creativos e coa colaboración do EDL do cole traballamos con experimentación científica en base ao sentido da vista, de acordo co proxecto anual "COIDADIÑO: XENTE MEDRANDO" e para comprender que ás veces este sentido (e outros) "nos engana".

Decidimos traballar coa Habitación de Ames, porque se trata de una manera "simple" e divertida de traballar un montón de competencias á vez:

Competencia matemática: geometría, espacio, dúas e tres dimensións, vocabulario matemático...

Coñecemento do mundo físico, punto de observación dunha situación real.

Aprender a aprender, desenvolve o sentido crítico xa que se ensina a importancia de obxervar as cousas desde diferentes perspectivas.

Desenvolvemento da expresión oral para explicar que se percibe e que é o que sorprende...

A partir dunha plantilla atopada na rede, e ampliándoa, fixemos a nosa propia, o máis grande que puidemos, porque sabiamos que canto máis grande maior é o efecto a observar. Tamén deseñamos os noso bonecos de acordo co tamaño da maqueta da habitación.

Pulpi non nos podía faltar!

Deseñamos unha instruccións para a experimentación nas aulas:

E un folleto con informacións e explicacións axeitadas ao noso alumnado:

A actividade foi moi gratificante para alumnado e profesorado que disfrutaron unha e outra vez das posibilidades que esta maqueta oferce.

Aquí tedes un vídeo que recolle estes máxicos momentos.

XORNADA DE SURF. DEPORTE ESCOLAR

 E despois do remo, dentro dos deportes de auga, tocoulle o turno ao Surf.

O alumnado de 5º e 6º disfrutaron dunha xornada practicando este deporte na praia de "A Fragata" de Ferrol.

Como podedes ver no video que adxuntamos disfrutaron moito.

REMANDO EN MUGARDOS

 Como actividade dentro do programa de deporte en idade escolar XOGADE o noso alumnado de 3º, 4º, 5º e 6º tiveron unha xornada de práctica de remo no concello.

Xa hai uns días tiveran unha competición de remo "en terra" (en maquina) da que saíron moi content@s  e con algún que outra medalla e trofeo.

Agora tocaba o turno de demostrar as mesmas habilidades pero no seu medio natural.

Aquí podédel@s ver!

RETOS NO TABOLEIRO

 Ao longo do curso foron aparecendo no taboleiro da entrada diferentes retos a resolver polo alumnado dos diferentes cursos e todos en relacción co Proxecto Anual de Centro "COIDADIÑO: XENTE MEDRANDO!".

Esta actividade busca sempre que o alumnado poña en xogo diferentes habilidades ao longo do tempo e que afunde máis nos coñecementos necesarios para adquirir uns hábitos de vida saudables. Ademais favorece o traballo en equipo ou pequenos agrupamentos de maneira que ten unha grande dimensión inclusiva.

Aquí deixamos todos os retos do curso por se queredes volvelos a realizar en familia!

MAQUINAS SIMPLES CON MATERIAL DE REFUGALLO.

 Un dos hábitos saudables que quixemos traballar neste curso (dentro do Proxecto Anual "Coidadiño: xente medrando") foi o de "Coidamos a nosa contorna".Asociado á materia de Ciencias Naturais, en 3º traballaron o tema de máquinas simples por medio de pequenos proxectos, onde debían fabricar cadanseu "artiluxio" con materiais de reciclaxe. 

Ademais deberían ser quen de expoñer o seu traballo ante os seus compañeiros.

Unha maneira moi completa de traballar e unha forma moi eficaz de aprender.

Buscaron información e ideas tanto na biblioteca escolar como na internet e este foi o resultado:

O NOSO MARCAPÁXINAS IMPRESO EN 3D

 Como agasallo ás nais que colaboraron con nós na actividade "Pais e nais que contan" imprimimos este agasallo deseñado por nós.

Trátase dun marcapáxinas tipo "clip" coa nosa mascota de protagonista.

Traballamos con fío de cor blanca porque así cadaquén pode personalizalo como queira.

APRENDER SOBRE O SISTEMA SOLAR A TRAVÉS DUN GENIALLY

A profe Marina elaborou este magnífico Genially para traballar co alumnado de 1º e 2º o Sistema Solar.

Unha maneira moi atractiva de achegar o tema ao alumnado á vez que divertida.

Ao compartilo na Aula Virtual do centro o alumnado podía acceder dende casa unha e outra vez.

Xenial!

CARLA, NAI DE LEO

 Nunha nova edición de "PAIS E NAIS QUE CONTAN", tivemos a sorte de que nos visitase Carla Iglesias, nai de Leo, que nos traía un conto moi especial.

"Yo mando en mí" , de Excellence Editorial, escrito e ilustrado por dúas irmás: Sophía Almagro (actriz, imitadora, cantante e escritora) e Irene Loal (ilustradora) conta a historia de Mila,  unha nena moi creativa, curiosa, inqueda e chea de enerxía que ama facer todo Á SÚA MANEIRA. Pero esa maneira non parece gustarlles aos adultos que a rodean.

¿Debería ser como os demais queren que sexa ou como ela elixe ser?

Esta pregunta levaraa a vivir unha aventura moi especial…

Como Carla as coñece, contoulles que nos ía ler o seu conto e elas enviáronlle un vídeo adicado ás nenas e nenos da clase de Leo. Vaia luxo!!

Tamén nós fixémoslle o agasallo de enviar un noso.

No video podedes ver todo o que vos contamos.

OUTRO ESPAZO NATURAL DA PROVINCIA

Outra vez a profe Bego tráenos unha proposta para aprender sobre un espazo natural moi coñecido da nosa provincia, que coma no anterior promove unha aprendizaxe utilizando a búsqueda de información e novas tarefas.

Bravo!

GENIALLY SOBRE ESPAZOS NATURAIS PRÓXIMOS

A profe Bego elaborou este Genially para aprender e traballar sobre un espazo natural próximo ao centro. Outra maneira máis de apender "xogando" e que promove a búsqueda de información por parte do alumnado para ser quen de resolvelo.

Tamén propón outras tarefas (xa fóra da plataforma) para completar a aprendizaxe.

BARALLA DE REFRÁNS POLAS LETRAS GALEGAS 2024

 Como os xogos de cartas que elaboramos polo Día de Rosalía e polo Día da Poesía teñen moito éxito, ocurríusenos facer outras polo Día das Letras Galegas.

Pero nesta ocasión en lugar de facer unha escolma poética, decidimos que fose o alumnado quen trouxese refráns galegos da casa e con eles elaborar a nova baralla.

Aínda está no forno, pero aquí podedes ver como vai quedar.

KAHOOTs ELABORADOS POLO PROFESORADO

 O profesorado do centro tamén estudia e aprende cousas novas que leva á aula da mellor das formas posibles e cando así lle parece axeitado.

Kahoot é un servizo web que permite crear xogos de preguntas (normalmente tipo tests) ao que a través dun código que se introduce na tablet únense os xogadores convocados.Deben ir respondendo ás preguntas dentro do tempo estipulado e o resultado do "concurso" aparece nun gráfico de barras coa puntuación de cada quen.

É moi ameno, rápido e divertido e moi eficaz para comprobar o grado de adquisición de conceptos dun tema. 

Ao longo deste curso elaboráronse diferentes Kahoots para repasar e/ou avaliar diferentes temas traballados nas aulas. 

Se clicades nas imaxes iredes ao Kahoot correspondente.

Marina, 1º e 2º EP

Begoña, 3º e 4º E. Primaria

Marina, 1º e 2º E. Primaria

Pablo, 5º e 6º de E. Primaria

Pablo, 5º e 6º de E. Primaria

Pablo 5º e 6º E. Primaria