Este mes, visitou a nosa radio escolar, Xulio Esmorís, un mariscador da cofradía de Barallobre.
O alumnado de 1º e 2º de E.P fixéronlle unha entrevista que podedes escoitar clicando na seguinte imaxe.
Moita grazas, Xulio. Aprendimos moito coa túa visita!
O pasado venres, acudimos a biblioteca do cole para escoitar unha charla por parte de Laura, unha veterinaria, que nos falou sobre o Golfiño Manoliño, un arroaz moi especial e moi traveso, que vive na Ría de Ferrol e Mugardos.
Aprendimos moito sobre as especies que habitan na nosa ría e resolvimos moitas dúbidas sobre os golfiños e en concreto sobre Manoliño, sensibilizando ao alumnado sobre o coidado das especies mariñas protexidas da nosa contorna.
Este ano, o Día das Letras Galegas, é unha homenaxe as Cantareiras e a poesía popular oral.
No seguinte video vos mostramos todo o que fixemos para conmemorar, a elas, e as nosas letras.
Dende o Equipo de Dinamización da Lingua Galega plantéase esta actividade para traballar vocabulario non utilizado ou non coñecido polo noso alumnado.
Esta actividade tomou un carácter interdisciplinar pois incluíronse tarefas traballadas dende Biblioteca creativa e Polos creativos..jpeg)
Esta é unha festa grande no noso cole dende hai anos, e tivemos a gran sorte de poder celebrala, un ano máis, na Regueira.
Tamén, tivemos a sorte de poder contar coa Asociación Cultural Apelón do Concello de Mugardos que elabora os maios para adornar, aporta parte da merenda e tráenos ao Grupo de gaitas Trouleada que ameniza o percorrido e fai posible que bailemos con música en directo.
Previamente á celebración preparámola como é debido.
Nas clases de música, cada clase preparou a coreografía utilizando paus, arcos ou cintas. A música escollida para os bailes foi (como en anos anteriores) a Muiñeira de Chantada e ademais, versionamos entre tod@s a canción Maios do grupo Habelas Hainas.
Pasámolo xenial!!
.jpeg)
.jpeg)
.jpeg)
Dentro do noso proxecto Operación H2O, o alumnado de 1º, 2º e 3º de E.P, realizaron unha maqueta para explicar, dunha forma máis práctica e visual, o Ciclo da auga.
Na seguinte presentación vos contamos o "Como se fixo", desta maqueta tan creativa.
No segundo ciclo de primaria iniciamos o proxecto dos polbos coa elaboración dun conto titulado Pulpi, o polbo aventureiro.
Hoxe, Marco, Bruno e Gero puxeron a súa voz para grabar dito conto e compartilo con todos vos a través da radio escolar.
Esperamos que vos guste. Para escoitar o conto clicade na imaxe.
Dentro do proxecto dos Polbos, outra das actividades do alumnado de 3º e 4º de E.P, foi unha entrevista moi especial.
Noa, como entrevistadora, e os seus compañeir@s respostarán a súas preguntas co aprendido na súa investigación. Se a queredes escoitar, clicade na imaxe.
.png)
Este luns 5 de maio achegouse ata o cole Naír González, unha cociñeira profesional para ensinarnos como se prepara un prato tradicional galego, como é o polbo á mugardesa.
A actividade enmárcase dentro do proxecto sobre a auga, no que aprendemos sobre ecosistemas mariños e os seres vivos que nela habitan e o polbo, como gran protagonista tamén nos levou a explorar a nosa cultura gastronómica, saboreando esta deliciosa receita.
Naír pasou tamén pola radio do cole, onde nos explicou a súa traxectoria como cociñeira e respondeu as preguntas do alumnado de sexto, para crear o primerio programa de RadioFranza, que podedes ver no seguinte enlace.
.jpeg)
