TODAS AS NENAS E NENOS DO MUNDO TEÑEN OS MESMOS DEREITOS?

 Isto foi o que nos preguntamos cando falamos sobre os dereitos das nenas e dos nenos.

E aínda que debería ser que sí, pois a verdade é que non. 

Ás nosas nenas e nenos cóstalles un pouco entender porqué (normal, porque non se entende) e non son moi conscientes das grandes diferencias entre as nenas e nenos dos diferentes países.

A partir da lectura de diferentes textos da biblioteca escollimos a historia de Malala (unha historia moi manida pero para moit@s d@s nos@s alumn@s totalmente descoñecida). 

En 3º, ademais elaboraron un pequeno resumo sobre a súa vida que escribiron nun folleto. o resultado foi exposto no taboleiro do corredor e tamén foi aproveitado para o Día da Violencia de Xénero.

 

II ENCONTRO ESCOLAR DE FERROLTERRA POLA ELIMINACIÓN DA VIOLENCIA DE XÉNERO

 Polo Día Internacional en contra da Violencia de Xénero participamos na proposta da Fanpa Ferrolterra para os centros educativos de primaria.

A actividade (tal e como explican na súa web) consistía en facer carteis cos patios dos colexios participantes (36) nos que se integraba unha letra da frase:

A EDUCACIÓN É A VACINA PARA ACABAR COA VIOLENCIA DE XÉNERO

Os  36 carteis expuxéronse nos escaparates dos comercios da Rúa Real de Ferrol e tras a mostra cada cartel pasou a ser propiedade de cada centro.

Ademais cada colexio envíou frases redactadas polo alumnado en relación co tema e as 5 mellores situáronse ao pé do cartel e todas elas (as dos 36 centros) participaron nun concuros.

E así foi o resultado (nós non gañamos o concurso pero sí gañamos en educación para a igualdade (que é o que realmente importa).

Este é o noso cartel e as nosas frases

Tal que así foi a mostra nos escaparates:

E se clicades nesta imaxe poderedes acceder ao folleto editado pola organización para esta actividade que ten por obxecto presentala e concienciar ás familias e á sociedade da necesidade de incidir na educación das nosas fillas e fillos como única garantía para evitar a violencia sobre as mulleres polo feito de selo.

CENORIAS!!

 Como o curso pasado estivemos na casa as nosas xardineiras estaban moi abandonadas.

Así que puxémonos mans á obra e as limpamos de malas herbas. E nisto que descubrimos que quedaran unhas cenorias sen recoller. Levamos unha grande alegría e repartímonolas para levas ás casas.

Feliz colleita!

ANIMACIÓN Á LECTURA EN PANDEMIA

Como non podemos recibir, de momento, contacontos e actuacións na biblioteca para todo o cole o Consorcio Editorial Galego fíxonos chegar dous vídeos moi especiais e personalizados que disfrutamos nas aulas e /ou na biblioteca segundo o grupo e o día que lle correspondeu para conmemorar o Día Internacional dos Dereitos das Nenas e dos Nenos. Porque o dereito a esocitar contos e disfrutar da música nunca nos pode faltar.

Nun primeiro vídeo A toupiña  (monicreque de Toupiconsellos) e Celtia Filgueira (titiritesa, autora...) comparten lecturas e historias persoais da toupiña. Algúns dos títulos que propoñen son os seguintes e clicando en cada un deles poderedes acceder á máis información:

Vos deixamos aquí tamén algún vídeo da Toupiña que atopamos na rede

No segundo dos vídeos Papabuis agasállanos con diferentes cancións do seu repertorio.

Fala dos personaxes dos contos tradicionais galegos, de "As pitas baixo a choiva" de Carballo Calero e buscando a Rosalía.