Empezamos o programa Cinensino para 5º e 6º de Primaria.
Trátase dunha actividade na que se visionan ao longo do curso 3 películas escollidas para tratar temáticas do interés do alumnado. De cada película que cada alumn@ cubre un caderno de actividades que reforzan os contidos traballados na película.
O programa deste ano deixámovolo aquí:
venres
EN MARCHA AS MOCHILAS VIAXEIRAS
Un ano máis poñemos en marcha esta actividade que achega os noso fondos ás casas do noso alumnado e que pode ofertar ratos de lectura en familia e de disfrute de bos materiais.
Xa a coñecedes, pero aquí vos deixo a carta que vos soemos enviar e que tamén vai no caderniño que incluímos na mochila para recoller as vosas opinións.
Xa a coñecedes, pero aquí vos deixo a carta que vos soemos enviar e que tamén vai no caderniño que incluímos na mochila para recoller as vosas opinións.
Queridas familias:
Un
ano máis poñeremos en marcha esta actividade que se está a realizar en moitas
escolas galegas e que a nós tamén nos pareceu fantástica.
Temos preparada en cada curso unha mochila que o alumnado levará a casa
durante un tempo. O seu contido foi minuciosamente
seleccionado pensando en toda a familia.
Gústanos pensar que poñeremos nas vosas mans
un VERDADEIRO TESOURO, e por iso
deberiades disfrutalo, compartilo e coidalo.
Aínda que o contido da mochila varía segundo a idade d@s vos@s fill@s,
hai un tipo de material que se repite en todas elas:
- Un ou dous contos axeitados á idade dos
vosos fillos e fillas.
- Un libro de manualidades sinxelas por se queredes facer algunha
en familia.
- Un libro de consulta sobre temas de interese do alumnado e con
moi boa presentación.
- Un libro que pode axudar aos pais e ás nais a
educar mellor, ou cando menos estar mellor informados sobre temas de interese
para eles.
- Un pequeno libro de lectura para adultos, por se vos
apetece ler, e porque se os vosos fillos e fillas ven que o facedes,
probablemente vos imiten (“eles len se ti les”).
- Un D.V.D. para disfrutar en familia se é do voso agrado.
- Un libro de poemas, rimas, adiviñas, refráns,trabalinguas…
para disfrutar todos da linguaxe poética ou da sabiduría popular.
- Un caderniño de viaxe onde expresar a vosa opinión e que
recolla a historia desta experiencia. Na contraportada tedes o listado do contido e así poder
comprobar que todo volve á mochila para que outra familia a disfrute.
- Un ou dous libriños en inglés.
Esta debe ser unha ACTIVIDADE PRACENTEIRA para todos, porque sabemos que as boas
experiencias compartidas resultan especialmente gratificantes e son máis “capaces”
de xerar hábitos, e o hábito da
lectura é a mellor herdanza que podemos recibir e legar.
Non se trata dun “traballo da escola”,
trátase dunha “excursión en familia”. Nesta excursión ás veces seredes guías
(orientando e motivando) e ás veces deberedes deixaros guiar (escoitando e
compartindo), pero sempre disfrutando da viaxe.
Non hai que lelo todo. Mirádeo ben e escollede o
máis interesante. Seleccionade ben as paradas da vosa viaxe, nós ofrecémosvos
moitas para que o poidades facer á vosa maneira.SAÚDOS. BOAS LECTURAS E FELIZ EXCURSIÓN!!!
VIÑERON OS REIS!!!!
Á volta das vacacións agardábanos unha sorpresa.
Era unha sorpresa "agardada", pois xa hai tempo que os Reis Magos non se esquecen de Pulpi e da nosa biblio e soen agasallarnos con novos libros, pelis e demais.
En realidade é un agasallo para tod@s que sempre nos gusta recibir.
Coma de costume abriron as caixas os máis pequenos e logo fómonos pasando uns aos outros, e unhas ás outras, uns ás outras, e unhas aos outros, os diferentes libros para ir mirándoos.
mércores
TENDA DE NADAL
Para recadar fondos para a excursión de fin de curso as rapazas e rapaces de 5º e 6º elaboraron estas manualidades e estes doces, que venderon o día do festival de Nadal a todos os nenos, nenas, profes e familias que quixeron mercar na súa tenda.
Preciosa iniciativa!!!
Parabéns a tod@s e ás profes que vos axudaron e motivaron nesta actividade.
E ás familias que seguro tiveron algo que ver na elaboración de tan exquisitos doces.
Preciosa iniciativa!!!
Parabéns a tod@s e ás profes que vos axudaron e motivaron nesta actividade.
E ás familias que seguro tiveron algo que ver na elaboración de tan exquisitos doces.
Subscribirse a:
Publicacións (Atom)