venres

MARGARIDA CORRAL: CHARLA DIDÁCTICA SOBRE O DÍA DA MULLER TRABALLADORA

O martes día 14 de marzo tivemos o pracer de contar no cole con Margarida Corral.


Pedímoslle esta charla porque Margarida é Socióloga e especializada no tema da Igualdade e con diversas publicacións sobre o tema.
Aceptou a nosa oferta chegou ao centro cargadiña de tesouros: libros e contos que educan na igualdade, unhas gafas especiais para ver as cousas de cor lila, pelotas para dar turno de palabra ou escoller voluntarios e voluntarias que lle axudasen na súa exposición, e un grande mural, elaborado por ela, que recolle unha síntese de todo o que nos falou e explicou.

Foi todo un luxo contar con ela, co seu ben facer, coa súa claridade na charla, na que soubo chegar a tod@s independientemente da idade, (e nós como docentes sabemos que iso non é doado), e deixounos un doce sabor de boca e unha débeda con ela que non sei se poderemos pagarlle.

Por suposto firmounos no libro de visitas, onde quedará rexistrado (ademais de neste blog) o seu paso pola nosa biblioteca do Centro.

E como unha imaxe vale máis que mil palabras aquí vos deixo as imaxes deste día, que por si soas corroboran o que acabades de ler.

MOITAS GRAZAS!!!!!!


MARGARIDA CORRAL E A NULLER TRABALLADORA by Slidely Slideshow

O LIBRO DOS PORCOS NO DÍA DA MULLER TRABALLADORA

E tamén houbo unha sesión especial de "A hora do conto".
Escollimos un ano mais "O libro dos porcos", pero esta vez lendo o texto acompañando a lectura coa proxeccións das imaxes na pantalla.
A profe Begoña foi a encargada esta vez da lectura, porque interesábanos unha lectura expresiva, entonada e ben medida, que acompañase axeitadamente á proxección das ilustracións, que non se limitou a unha sucesión das páxinas do libro, senón que afondaba nos moitos detalles que gardan.
De como  se van convertendo en porcos moitos dos obxectos da casa: o broche do señor Porcón da lapela da chaqueta, o dos fillos nas súas, os obxectos, os grifos, os retratos, os tulipáns do papel pintado das paredes, as flores do sofá, o saleiro.... Porque é un libro onde non só fala o texto e no que ademais de ler o texto debemos ler as ilustracións.








Moitos recordaron que este conto fora representado teatralmente hai uns anos, e para recordalo e amosarllo aos que non estaban aínda no Cole puxemos o vídeo:

E aínda que xa está nunha entrada antiga deste blog deixámolo aquí outra vez para que o disfrutedes.


A IGUALDADE NO DEPORTE. DÍA DA MULLER TRABALLADORA

Durante a "Hora de ler" de varios día do principio de marzo visionáronse os primeiros catro vídeos do documental galego "Contra os elementos", que trata de visibilizar o deporte feminino na provincia de A Coruña, a través das súas protagonistas.

O título obedece tanto ás dificultades que todas as protagonistas atoparon nos seus camiños polo feito de ser mulleres coma aos elementos da natureza, agrupando os deportes en "Lume", "Auga", "Terra" e "Aire".
A profe Pîli, profesora de E. Física do Cole e responsable do Equipo de Dinamización da Lingua Galega foi quen aportou e levou a cabo esta actividade, establecendo en cada sesión unha charla posterior ao visionado do vídeo onde todos e todas podían aportar a súa opinión.

A visibilidade das mulleres deportistas e do deporte feminino é básica para unha verdadeira igualdade.

MOITAS GRAZAS PILI!!!

Clicando no enlace de arriba podedes acceder á páxina web do proxecto, onde poderedes ver estes catro vídeos que aquí deixamos (por seren os que vimos no cole) e a outro máis que pecha o documental extraendo conclusións.



EXPOSICIÓN DE LIBROS POLO "DÍA DA MULLER TRABALLADORA"

Con motivo desta data que celebramos durante máis dunha semana leváronse a cabo diferentes actividades.
E non podía faltar unha exposicións dalgúns dos títulos cos que conta a biblioteca que traballan este tema dende diferentes aspectos.
O noso interese foi (e é) amosar ao alumnado a necesidade de seguir a conmemorar este día, porque aínda non acadamos a verdadeira igualdade. Porque aínda hoxe as mulleres temos diferentes dereitos e oportunidades polo feito de nacer mulleres. Porque aínda non se derrubaron os estereotipos e vemos que seguen a reproducirse nas novas xeracións, porque aínda é necesario seguir a reclamar.






EXPOSICIÓN DE LIBROS POLO DÍA DA MULLER TRABALLADORA by Slidely Photo Gallery

martes

MARATÓN DE LECTURA NO CONCELLO POLO DÍA DE ROSALÍA

O Concello de Mugardos organizou un maratón de lectura da obra de Rosalía de Castro o día 3 de marzo de 2017.
Participou o alumnado de 5º e de 6º, levando preparada a lectura de diversos poemas.

Aquí tedes unha fotos deses momentos:











DÍA DE ROSALÍA DE CASTRO

Como o 24 de Febreiro, Día de Rosalía de Castro, coincidiu coa celebración do Entroido, conmemoramos tan sinalada data o día 23.

Como no cole temos un exemplar do libro "Rosalía" de Helena Villar Janeiro, ilustrado por Ánxeles Ferrer e editado pola Fundación Rosalía de Castro no ano 2006.
Presenta unha biografía moi sinxela e acompañada de poemas de Rosalía que "ilustran" o que nos vai contando o texto.
As ilustracións son sinxelas e delicadas e segundo a nosa opinión moi acertadas.

O caso é que decidimos que 3º de E. Primaria preparase esta lectura para o resto do cole e que a fixera utilizando o Kamishibai.

Así que escaneando as imaxes e escribindo o texto preparamos o Kamishibai. Acompañamos a lectura con música dalgúns dos poemas do libro.

Ilustración de Ánxeles Ferrer para o libro "Rosalía" de Helena Villar Janeiro

Ademais do Kamishibai, cada curso recitou, ou cantou, un poema da nosa querida Rosalía e acudiron todos e todas á biblioteca coa careta que elaboraron. 




Aquí vos deixamos uns vídeos deste marabilloso momento.

GRAZAS A TOD@S!!!

KAMISHIBAI ROSALÍA

CANTANDO A ROSALÍA

RECITANDO A ROSALÍA

A CANCIÓN DE FRAN. 6º DE PRIMARIA

Fran, o profe de 6º, que é un músico escepcional, preferiu musicar un poema de Rosalía para cantalo neste día.

Adaptou o poema "Xan", e este foi o resultado.

MOITAS GRAZAS!!!!!


POSTAL DE ROSALÍA

E aquí vos deixamos un arquivo coa postal "pop-up" coa que agasallamos a toda a comunidade educativa.
Así se queredes podedes facer cantas queirades.

Deixamos un modelo para primaria e outro máis grande para E. Infantil.


Así de bonita queda o interior unha vez montada a postal.









EXPOSICIÓN NA HONRA DE ROSALÍA

Na entrada do cole expuxemos os libros sobre a autora cos que conta a nosa biblioteca, así como traballos doutros anos que gardamos celosamente.


EXPOSICIÓN SOBRE ROSALÍA DE CASTRO 2017 by Slidely Slideshow

luns

ENTROIDO 2017. AS ARTES CLÁSICAS

Tomando como base o lema deste ano das Bibliotecas escolares de Galicia, "Biblioteca escolar - Territoria das artes" ideamos os disfraces deste curso.
E tomando como referencia as 7 artes clásicas disfrazámonos de cada unha delas e por cursos.
Así:
Educación Infantil escolleu "A Pintura":




1º de Educación Primnaria escolleu A Literatura:






En 2º de Primaria escolleron "O Teatro e A Danza":






En 3º "A Música":






En 4º "O Cine":




En 5º "A Arquitectura":





E en 6º "A Escultura":






E así disfrazados iniciamos o desfile polos arredores do Cole:








APRENDENDO SOBRE AS PANTALLAS DE XINZO DE LIMIA

Por iniciativa do Equipo de Dinamización da Lingua Galega cada ano facemos pequenos traballos de investigación sobre un Entroido Galego.
O curso pasado traballamos sobre "Os xenerais do Ulla"e este ano aprendemos moitas cousas sobre "As Pantallas de Xinzo de Limia".
Cada clase preparou un mural repartindo os contidos do tema (orixes, vestimenta, celebracións, gastronomía...)
E todos os traballos quedaron expostos na entrada do cole.

Todo isto aprendemos e así de chulos quedaron os murais e a Pantalla!!!



AS PANTALLAS DE XINZO DE LIMIA by Slidely Slideshow

MANDADOS DE ENTROIDO 2017

Mandado do luns. Bata e/ou pixama.



MANDADOS ENTROIDO 2017. LUNS by Slidely Slideshow

Mandado martes. Algún couso na cabeza:



MANDADOS ENTROIDO. MARTES by Slidely Slideshow

Mandado mércores. Aldo de paiaso:



ENTROIDO 2017. MANDADO ,ÉRCORES by Slidely Slideshow

Mandado do xoves. Zapatos distintos en cada pé.



MANDADOS ENTROIDO 2017. XOVES. by Slidely Slideshow

mércores

CARREIRA SOLIDARIA

Como en anos anteriores o Cole colaborou coa ONG Save The Children  celebrando unha carreira solidaria "Kilómetros de Solidaridad"
No noso cole cambiamos os Kilómetros por voltas á pista do cole. Tras o reconto de voltas de cada participante, anótanse nos seus carnets de carreiristas e aportan os cartos que recadan entre os seus achegados.
É unha experiencia moi positiva para todos e todas, onde cadaquen agasalla o máximo esforzo coa alegría necesaria.
Aquí tedes unha mostra do que fixeron.



Carreira solidaria pola paz by Slidely Slideshow

MURAIS COLECTIVOS POLA PAZ

Ademais das fermosas mensaxes de paz que encheron a entrada do cole, o alumnado de 2º, 3º e 4º de Primaria elaboraron uns murais colectivos.
O de 2º reivindicando que a Paz chegue a todos os rincóns e a todas as xentes do mundo.
O de 3º cunha simboloxía poética, cunha árbore da que nacen uns froitos moi especiais.
E un terceiro mural co alumnado de 3º e 4º traballando os teselados de Escher con pombas da paz.

Aqui os podedes disfrutar:


MURAIS PARA A PAZ by Slidely Slideshow